Энэ лхагва гаригт Их Британийн өрсөлдөөнийг зохицуулагч байгууллага Фэйсбүүк компанид Giphy платформыг олон нийтийн сүлжээгээр худалдаж авсан хэрэгт шийтгэл ноогдуулжээ.

Мөрдөн байцаалтын явцад өгсөн зааврыг биелүүлээгүй нь батлагдсан бөгөөд 50.5 сая фунт стерлинг буюу 69.6 сая долларын торгууль ногдуулжээ. 

Тус байгууллагаас олон нийтийн мэдээллийн хэрэгсэл болон дижитал зар сурталчилгааны зах зээл дэх өрсөлдөөнд сөргөөр нөлөөлнө гэсэн болгоомжлолын улмаас энэхүү худалдан авалтыг шалгажээ.

Фэйсбүүк компани 2020 оны Тавдугаар сард Giphy-ийг 400 сая доллараар худалдаж авсан бөгөөд Giphy-ийн баг Instagram-д нэгдэх болно гэж мэдэгдэж байжээ.

Тус компани нь мөрдөн байцаалтын явцад GIF компанитай үргэлжлүүлэн өрсөлдөх, цаашид нэгтгэхээс зайлсхийхийн тулд Өрсөлдөөн, зах зээлийн газарын тушаалыг дагаж мөрдөж буйгаа харуулсан бүрэн шинэчлэлтийг гаргаж чадаагүй аж. Фэйсбүүкэд олон удаа анхааруулга өгсөн ч зориуд дагаж мөрдөөгүй гэж хяналтын байгууллага мэдэгдсэн байна.

Өрсөлдөөн, зах зээлийн газрын тэргүүн асуудал хариуцсан ахлах захирал Жоэл Бамфорд "Өөрсдийгөө хуулиар дээгүүр мэт үзэж байгаа аливаа компанид анхааруулга өгөх ёстой" гэж мэдэгджээ.

Б.Бүжлхамаа

www.nytimes.com