Гаити улсын нэгэн дээрмийн бүлэглэл АНУ-ын тусламжийн бүлэгтэй холбоотой 17 хүнийг, түүний дотор таван хүүхдийг хулгайлсан гэж орон нутгийн эрх баригчид мэдээллээ.

Христийн тусламжийн байгууллагын бүлгэмийн гишүүдийг Порт-о-Пренс хотын зүүн захын асрамжийн газарт зочилчихоод буцах байхад замд нь хулгайлсан гэж мэдэгджээ. Хулгайлагдсан хүмүүсийн дунд 16 америк, нэг канад хүн байгаа аж. 

Цагдаа нар мэдээллэснээр 400 Мавозо хэмээх нэртэй тус улсын хамгийн аюултай бүлэг энэхүү хэргийг үйлдсэн хэмээн үзэж байна. Гаитид өмнө нь ингэж олноор нь хүн хулгайлах гэмт гарч байгаагүй аж.

Гэхдээ Гаити олон жилийн турш улс төрийн хямралд орсон бөгөөд хүн хулгайлах явдал байнга гардаг. Долдугаар сард болсон Ерөнхийлөгчийн аллагын дараа байдал улам дордов.  

Порт-о-Пренс хотод хүчирхийлэл газар авч байна. Зарим тооцоогоор одоо хотын бараг тал хувийг дээрэмчид эзэлдэг аж. Өнгөрсөн даваа гаригт бүлэг этгээдүүд сургуулийн автобус руу буудаж, оюутнуудыг оролцуулаад наад зах нь таван хүнийг шархдуулжээ. 

Нийтийн тээврийн автобусыг ч мөн барьцаалж байв.

Нөхцөл байдлыг тогтворжуулахын тулд олон Гайтичууд АНУ-ыг цэрэг илгээхийг хүссэн боловч Байдений засаг захиргаа энэ нутагт хөл тавихаас татгалзсан байна.

Б.Бүжлхамаа

www.nytimes.com