Вьетнам сүүлийн жилүүдэд АНУ-д хувцас, гутлын нийлүүлэгчээр БНХАУ-ын дараа хоёрдугаарт орох болсон. Олон жижиглэнгийн худалдаачдад коронавирусийн анхны давалгаа хүнд цохилт болоогүй хэдий ч дельта хувилбарын өсөлт нь үйлдвэрүүдийг хаахад хүргэжээ.
Баярын улирал ойртож байгаатай холбогдуулан Америкийн олон жижиглэнгийн худалдаачид бараа бүтээгдэхүүний хомсдол, үнэ, тээвэрлэлтийн зардал нэмэгдэнэ гэх хүлээлттэй байгаа аж.
Энэ талаар Нийлүүлэлтийн сүлжээний эрсдэл хариуцдаг жижиглэнгийн худалдааны мэргэжилтэн "Бид вакцинжуулалт өндөртэй улс орнууд эсвэл бүс нутгуудаас бараа бүтээгдэхүүний эрэлт хэрэгцээгээ татаад байх боломж өндөр байгаа. Гэсэн хэдий ч вакцинд хамрагдаагүй орнуудаас бараа бүтээгдэхүүнээ авч хүмүүсийг дэмжих нь хэвээр байх болно" гэв.
Хувцас борлуулагч Эверлан гэх бүсгүй хэлэхдээ, нийлүүлэлт 4-8 долоо хоногоор хоцорч байна гэж мэдэгджээ.
Nike өнгөрсөн долоо хоногт борлуулалтын урьдчилсан тооцоогоо бууруулжээ. Мөн Restoration Hardware нь шинэ цуглуулгаа ирэх хавар хийх болно гээд мэдэгдэлдээ үйлдвэр хаагдсан тухай иш татжээ.
Б.Бүжлхамаа
www.nytimes.com
