Ерөнхийлөгч Жо Байден АНУ-ын дэлхийн манлайллыг сэргээж чадах эсэх талаар маш их эргэлзэж байгаа үед НҮБ-ын ҮБ-ын Ерөнхий Ассамблейн 76 дугаар чуулган болох дэлхийн удирдагчдын цугларалтад анхны илтгэлээ тавилаа.
Байден нь коронавирусийн тахал, шинээр гарч ирж буй технологийн аюул, Хятад, Орос зэрэг автократ үндэстнүүдийн өсөлтийг даван туулахын тулд холбоотнууддаа эв нэгдлийг уриалав.
Тэрээр "Бидний аюулгүй байдал, бидний хөгжил цэцэглэлт, бидний эрх чөлөө урьд өмнө хэзээ ч байгаагүйгээр хоорондоо холбоотой болсон. Хүч хэрэглэх нь бидний хамгийн сүүлчийн арга хэрэгсэл биш байгаасай гэж хүсч байна" гэсэн юм.
Харин БНХАУ-ын дарга Ши Жиньпин урьдчилан бичсэн видео илгээсэн бөгөөд тэрээр илтгэлдээ, Америк өөрийн засгийн газраа дарангуйлагч, экспансионист дүрээр харуулахыг үгүйсгэдэг. Ардчилал бол тухайн улс оронд олгогдсон онцгой эрх биш гэсэн юм. Мөн Хятад улс гадаадад нүүрсний үйлдвэр дахин барихгүй гэж амлажээ.
НҮБ-ын Ерөнхий нарийн бичгийн дарга Антонио Гутерриш дайн, уур амьсгалын өөрчлөлт, тахлын аюулаас урьдчилан сэргийлэхийн тулд үндэстнүүд хамтран ажиллах шаардлагатай байгааг анхааруулсан юм. Тэрээр "Бидний амьдралын хамгийн том хямралын үе" болж байна гэж цоххон тэмдэглэв. Мөн тэрээр Хятад, АНУ-ын хоорондох өрсөлдөөнөөс айж байгаагаа илэрхийлж "Эв санааны нэгдлийн зам биш. Бид сүйрлийн гарц дээр байна" гэжээ.
Байдены засаг захиргааны дипломат ажилд бухимдал нэмэгдэж байгаа. Талибанууд Афганистаныг хяналтандаа байлгаж байгаа өнөө үед дэлхий нийт ардчилал ба автократийн аль алинаас нь сонгох ёстой гэсэн ерөнхийлөгчийн хэлсэн үг огт өөр харагдаж байна.
Австрали шумбагч хөлөг онгоц байрлуулахад нь туслах Байдены шийдвэртэй холбоотой томоохон маргааны улмаас Франц улс элчин сайдаа эргүүлэн татсан билээ.
Б.Бүжлхамаа
www.nytimes.com
