Ирэх долоо хоногт АНУ ихэнх насанд хүрэгчдэд Ковид-19-ийн эсрэг гуравдагч тунг тараах ёстой. Гэхдээ шинэ судалгаанууд ширүүн маргаан өрнүүлж байгаа тул төлөвлөгөөний хэлбэрүүд дахин хэлэлцэгдхээр болж байна.
Цагаан ордон аль хэдийн Moderna-гийн нэмэлт тунг санал болгохоос татгалзаж, хойшлуулахаас өөр аргагүй болжээ.
АНУ-ын Эмийн холбоо, зохицуулагчид ойрын өдрүүдэд Pfizer-BioNTech-ийн удирдлагуудтай уулзах бөгөөд 16 ба түүнээс дээш насны хүмүүст дархлаа өдөөх нэмэгт тунг хэрэглэх талаар хэлэлцэх боловч энэ нь тодорхой буй байгаа юм.
Лхагва гаригт Эмийн зохицуулагч холбооноос олон нийтэд танилцуулсан тоймд АНУ-ын эмийн зохицуулагчид гурав дахь тунгийн талаархи анхааруулгыг нэмэгдүүлжээ.
Мөн энэ долоо хоногт The Lancet-д нэгэн нийтлэлд вакцины хүчин чадал цаг хугацааны явцад мэдэгдэхүйц буурсан гэсэн баттай нотлох баримт байхгүй гэж маргасан байна.
Шинэ Английн Анагаах ухааны сэтгүүлд лхагва гаригт гарсан судалгаагаар Израильд гурав дахь тунгаар файзер вакциныг хийлгэсэн хүмүүс хүнд хэлбэрийн ковид өвчнөөр өвчлөх магадлал хамаагүй бага байгааг харуулжээ. Гэхдээ шинжээчид энэхүү судалгаа нь хязгаарлагдмал өгөгдөлтэй, богино хугацаанд хийгдсэн болохыг анхааруулсан байна.
Халдварт өвчин судлалын төвүүд зөвхөн 65 ба түүнээс дээш насны хүмүүст болон ялангуяа эрсдэлд өртөж буй хүмүүст өдөөгч тунг санал болгож болно гэжээ.
Энэ үеэр Хятад улс 1 тэрбум хүнээ бүрэн вакцинжуулж, жилийн эцэс гэхэд хүн амынхаа 80 хувийг вакцинжуулах зорилтоо ойртууллаа гэж мэдэгджээ.
Б.Бүжлхамаа
www.nytimes.com
