Австрали улс АНУ, Их Британитай цэргийн түншлэл зарлаж, Өмнөд Хятадын тэнгис дэх Хятадын үйлдлийг хянахын тулд шумбагч онгоц илгээхийг зөвшөөрсний дараа Бээжин, Парис хоёр уурсаж байна.
Францын албаны хүмүүс Ерөнхийлөгч Байденыг өмнөх ерөнхийлөгч шигээ ажиллаж байна гэж буруутгаж, хэлэлцээрийн талаар тэдэнтэй зөвлөлдөөгүй гэж хэлээд энэхүү шийдвэрийг "ар хударга" гэж тайлбарлав. Мөн Франц АНУ-тай хамтын ажиллагааг тэмдэглэх ойн тоглолтоо цуцалжээ.
Австрали АНУ-ыг Ази дахь хүчирхэг талд бооцоо тавьсан гэж Таймсын сэтгүүлч бичжээ. Австралийн Ерөнхий сайд Скотт Моррисон засгийн эрхэнд гарахдаа өөрийн улс АНУ-тай хамтран ажиллах хугацаандаа Хятадтай ойр дотно харилцаагаа хадгалж чадна гэж мэдэгдсэн боловч Бээжинтэй олон жилийн харилцаа муудсаны дараа тус улс аюулгүй байдлын гол холбоотонтойгоо "үүрдийн түншлэл" байгуулж байна.
"Австрали Энэтхэг, Номхон далайн бүс нутагт өөрийн ирээдүйгээ хэрхэн харж буйгаар тус улсыг тодорхойлох чухал мөч юм" гэж Австралийн аюулгүй байдлын ажилтан асан, Азийн нийгэмлэгийн ахлах ажилтан, Ричард Мод хэллээ.
Хятадын Засгийн газрын төлөөлөгч хэлэхдээ, энэхүү гэрээ нь "бүс нутгийн энх тайван, тогтвортой байдалд ноцтой хохирол учруулж, зэвсгийн уралдааныг улам хурцатгаж, цөмийн зэвсэг үл дэлгэрүүлэх олон улсын гэрээнд хохирол учруулна" гэжээ.
Б.Бүжлхамаа
www.nytimes.com
