Алексей Навальныйгийн таван холбоотон ОХУ-аас гадуур тодорхойгүй газраас сонгуулийг доргиох ажлыг зохион байгуулж, Кремлийн олон арван шүүмжлэгчдийг парламентад оруулна гэж найдаж байна.

Тэд баасан гаригаас ням гариг хүртэл үргэлжлэх парламентын сонгуулийг Ерөнхийлөгч В.В.Путины эрх баригч Нэгдсэн Орос намыг дордуулахын тулд ашиглахыг хүсч байгаа ч Навальныйг дэмжигчид бараг бүгдээрээ санал өгөх хориглогдсон байгаа.

Энэхүү стратеги нь ухаалаг гар утасны програм дээр суурилсан бөгөөд сөрөг хүчний нэр дэвшигчийг тус улсын 225 сонгуулийн тойрог бүрт санал өгөхийг санал болгож байгаа аж.

Боломж маш бага боловч сөрөг хүчний хэдэн арван хууль тогтоогчийг сонгох нь "системд үймээн самуун үүсгэнэ" гэж Навальный холбоотнуудын нэг хэлсэн юм.

Магадлалын хувьд Нэгдсэн Орос нам парламентын доод танхим болох Думд олонхи хэвээр үлдэх нь бараг тодорхой болсон, учир нь 450 суудлын тал нь намын жагсаалтаар хуваарилагдсан байгаа. Эрх баригч нам хамгийн их санал авах нь гарцаагүй бөгөөд Оросын сонгууль луйвараар дүүрэн байна.

Навальный холбоотнууд удаан хугацаагаар шоронд хоригдох аюул заналхийлж байгаа тул цөллөгт байгаа юм. Тэд дүүрэг бүрт "Нэгдсэн Орос" намаас нэр дэвшигчийг ялахад хамгийн тохиромжтой хүнийг тодорхойлохын тулд санал асуулгын мэдээлэл, олон арван бүс нутгийн шинжээчид, газар дээрээс ирсэн мэдээллүүдтэй ажилласаар байна.

Б.Бүжлхамаа

www.nytimes.com