Шинэ Зеланд Наймдугаар сард эхэлсэн цуврал хөл хориогоо зогсоож, Окландын гадна байрлах хязгаарлалтыг бууруулхаа мэдэгдлээ.

Окландын гадна байгаа оршин суугчдыг ажил, сургуульдаа эргэж орохыг зөвшөөрч, лхагва гаригийн өглөөнөөс эхлэн орон даяар сэрэмжлүүлгийн түвшинг 2-р түвшинд хүртэл бууруулна гэж Ерөнхий сайд Жасинда Ардерн хэвлэлийн бага хурал дээр хэлжээ.

Харин 1.7 сая орчим хүн амтай Окланд 4-р түвшинд хэвээр байх бөгөөд энэ нь үндсэн ажилчдаас бусад нь бүгд гэртээ байх ёстой гэсэн үг юм. 

Сургуулиуд пүрэв гаригийн өглөө дахин нээгдэх аж.

Шинэ Зеланд бол Ковид тэг стратеги гэж нэрлэгддэг хамгийн сүүлийн орнуудын нэг бөгөөд хөдөлгөөн, үйл ажиллагаанд хатуу хязгаарлалт тавьдаг. Энэхүү стратегийг хэрэгжүүлсэн бусад засгийн газар, түүний дотор Хонконг, Сингапур арга хэмжээгээ сулруулж магадгүй гэж мэдэгджээ.

Өдөр тутмын шинэ тохиолдлын дундаж тоо харьцангуй бага хэвээр байгаа бөгөөд 36 байна. Гэхдээ Шинэ Зеландын вакцинжуулалтын кампанит ажил удаашралтай байгаа юм. Тодруулбал, хүн амын ердөө 49 хувь нь эхний тун авсан нь АНУ-ын 62 хувь,  Их Британийн 72 хувиас доогуур байна.

Дэлхийн бусад хэсэгт ковидтой холбоотой:

• Өмнөд Солонгос зарим нийтийн хязгаарлалтын дүрмүүдээсээ зөөлрүүлэв.

• АНУ-д ковидын нас баралт нэмэгдэж, Орегон, Айдахо дахь эмнэлгүүд эрчимт эмчилгээний орны нөөцгүй болж байна. 

• Дэлхийн хөлбөмбөгийн аварга шалгаруулах тэмцээний урьдчилсан шатны тоглолтын үеэр зарим тоглогчид хорио цээрийн дэглэм зөрчсөн байж болзошгүй тул тоглолтыг зогсоожээ.

Б.Бүжлхамаа

www.nytimes.com