Өнгөрсөн баасан гаригт Японы “шинэвтэр” ерөнхий сайд Ёшихидэ Суга хэлэхдээ, "Намынхаа тэргүүнээр дахин сонгогдохыг хүсэхгүй байна” гэжээ. Учир нь тэрээр ерөнхий сайдаар томилогдоод жил ч хүрээгүй байгаа юм.
Сугагийн гэнэтийн энэхүү шийдвэр нь коронавирусийн эсрэг хүн ардынхаа эдийн засаг болон эрүүл мэндийг аврах гэж тэмцээд тусыг эс олсон арга хэмжээнүүдийн дараа гарсан юм.
Тус улс вакцинжуулалтын хөтөлбөрөө өргөжүүлэхийн тулд хэдэн сар зарцуулсан бөгөөд эдийн засгийн хязгаарлалт, Сугагийн баталгааны үнэлгээ 30 хувиас доогуур байгаа нь хүн амыг ядраажээ.
Ингэснээр Сугагийн шийдвэр Японыг улс төрийн гүнзгий эргэлзээнд оруулаад байна.
Намын удирдлагын өрсөлдөөн Есдүгээр сарын 17-нд эхлэхээс ердөө хоёр долоо хоногийн өмнө тэрээр шийдвэрээ зарласан бөгөөд энэ нь дараагийн Ерөнхий сайдыг тодруулах бололтой.
72 настай Суга нь Японы улс төрд хэдэн арван жил ноёрхож ирсэн эрх баригч Либерал Ардчилсан намын тайзны ард оператор байсан нэгэн. Айхтар харизматай биш гээд байхаар ааш зантай тэрээр иргэдтэй холбоо тогтоохыг оролдож, тэгэх бүртээ олон нийтийн өмнө эвгүй харагддаг байв.
Б.Бүжлхамаа
www.nytimes.com
