Америкийн цэргүүдийг тээвэрлэж буй эцсийн тээврийн онгоц Кабулын нисэх онгоцны буудлаас хөөрснөөс нэг хоногийн дараа Ерөнхийлөгч Байден Афганистан дахь АНУ-ын дайныг зогсоох шийдвэрээ эрс хамгаалж, нүүлгэн шилжүүлэлтийг "онцгой амжилт" гэж нэрлэжээ.
Тэрээр Цагаан ордноос үг хэлэхдээ экс ерөнхийлөгч Дональд Трампыг Талибан бүлэглэлээс гарах гэрээ хэлэлцээрт түлхсэн гэж буруутгав.
Ерөнхийлөгч Байден "Энэ бол орхих эсвэл даамжрах хоёрын хоорондох жинхэнэ сонголт байсан. Би энэ дайныг хэзээ ч, үүрд сунгахгүй байсан. Энэ бол зөв шийдвэр, ухаалаг шийдвэр, Америкийн хувьд хамгийн зөв шийдвэр гэдэгт би итгэж байна" гэжээ.
Өчигдөр Кабулын нисэх онгоцны буудлын цардмалаас Талибаны хэвлэлийн төлөөлөгч АНУ-ын эзлэн түрэмгийлэгчдийн эсрэг хорин жилийн тэмцэлдээ ялалт байгуулснаа зарласан юм.
Хэвлэлийн төлөөлөгч Забихулла Мужахид нисэх онгоцны буудалтай танилцах үеэр афганчуудад баяр хүргэлээ.
Тэрээр "Энэ ялалт нь бид бүгдэд хамаатай" гэжээ.
Гэвч олон афганчуудын хувьд энэ мөч ялалт шиг мэдрэгдэхгүй байгаа. Тэд хоол хүнс, мөнгөний хомсдол, террорист заналхийлэл, хүмүүнлэгийн хямралтай тэмцэж байна. Мөн тэд Талибаны хэрэглэж байсан дарангуйлах тактикууд бүрэн хүчин төгөлдөр болно гэж айж байна.
Талибанчууд паспорт, визтэй хүмүүсийг АНУ-ын эзлэн түрэмгийллийн үед ямар үүрэг гүйцэтгэснээс үл хамааран тус улсаас гарахыг зөвшөөрнө гэж амласан байгаа. Мөн Нисэх онгоцны буудлыг хэд хоногийн дотор нээхээр болжээ.
Б.Бүжлхамаа
www.nytimes.com
