АНУ-ын цэргийнхэн тус улсын зүүн хэсэгт нисгэгчгүй онгоцоор цохилт өгч, "Исламын улс" бүлэглэлийн Афганистан дахь салбарыг хөнөөхөөр төлөвлөж байсан этгээдийг устгасан гэж үзэж байгаагаа мэдэгджээ.

IS-K бүлэглэлийн сэжиг бүхий этгээдийг Нангархар мужид онилсон байна.

IS-K пүрэв гаригт Кабулын нисэх онгоцны буудлын гадаа халдлага үйлдсэн байж болзошгүй бөгөөд дэлбэрэлтийн улмаас АНУ-ын 13 цэрэг, 170 орчим хүн амиа алдсан билээ.

Талибан бүлэглэлийн босогчид энэ сард нийслэлийг эзлэн авснаас хойш нисэх онгоцны буудалд бөөнөөр нүүлгэн шилжүүлэх ажиллагаа явагдаж байна.

Өнгөрсөн хоёр долоо хоногт 100,000 гаруй хүнийг нүүлгэн шилжүүлсэн гэж үзэж байгаа бөгөөд АНУ-ын Афганистаныг орхин гарах хугацааг мягмар гаригт дуусна.

Ерөнхийлөгч Байден өнгөрсөн пүрэв гаригт болсон амиа золиослогчийн халдлагын цаана байгаа жихадистуудыг барина хэмээн амлаж байв.

IS-K буюу Исламын улсын Хорасан муж нь Афганистан дахь жихадист зэвсэгт бүлэглэлүүдийн хамгийн гойд хүчирхийлэгч юм. IS-K-ийн хэдэн мянган хэт даврагчдын ихэнх нь Кабулаас зүүн зүгт орших мужид нуугдаж байгаа гэж үздэг.

АНУ-ын нисгэгчгүй онгоцны цохилт пүрэв гаригт болсон дэлбэрэлтээс хойш Афганистанд анх удаа бүртгэгдсэн байна.

Төв командлалын ахмад Билл Урбан хэлэхдээ, "Нисгэгчгүй агаарын цохилт Афганистаны Нангархар мужид болсон. Анхдагч шинж тэмдэг бол бид зорилтот байшинг устгасан. Энгийн иргэд хохирсон талаар бид мэдээгүй байна" гэсэн юм. 

Мөн тэрээр үүнийг "Терроризмтой тэмцэх хэтийн төлөв" гэж тодорхойлсон байна.

Ойрхи Дорнодоос хөөргөсөн Reaper дрон зэвсэгт этгээдийг өөр IS бүлэглэлийн гишүүнтэй машинд явж байхад нь дайрч, хоёуланг нь хөнөөсөн гэж албаны хүн Ройтерс агентлагт ярьжээ.

Б.Бүжлхамаа

www.bbc.com