Японы эрүүл мэндийн байгууллагууд баасан гаригт зарим вакцинжуулалтын цэгүүдээс хуруу шил хураасан байсныг илрүүлсний дараа 1.6 сая гаруй тун модернагийн коронавирусийн эсрэг тарилгыг зогсоохоо мэдэгдэв.

Япон даяар найман байршилд 40 шахам тунгаас бохирдуулагч бодис илэрсэн байна.

Япон улс ковидын хамгийн муу өсөлтийг даван туулж, эмнэлгүүдийн ачаалал нэмэгдэх вий гэсэн болгоомжлол нэмэгдэж байгаатай холбоотой асуудал гарч байгаа аж.

Мөн тус улсад вакцины тунг түгээдэг Takeda Pharmaceutical компаниас Moderna шалгалт явуулж өгөхийг хүссэн байна. Бохирдсон хуруу шилнээс үүдэлтэй эрүүл мэндийн ямар нэгэн асуудал гараагүй байгаа. Гэвч Засгийн газрын Ерөнхий нарийн бичгийн дарга хэлэхдээ, хэдэн хүн бохирдсон тунтай байгаа нь тодорхойгүй байгаа боловч ямар нэгэн муу нөлөө үзүүлсэн тухай мэдээлэл гараагүй байна гэжээ.

Эрүүл мэндийн яамны ажилтан энэ бодис метал байж магадгүй гэж хэлснийг Nikkei Asia мэдээлсэн байна.

Японы давалгаа: Токио Долдугаар сард дөрөв дэх удаагаа онц байдал зарласан. Баасан гаригт улсын хэмжээнд анх удаа өдөрт бүртгэгдсэн тохиолдлын тоо 25 мянгад хүрчээ. Өвчтөнүүдийг гэрт нь буцааж байгаа тухай Japan Times мэдээлсэн байна.

Японы хүн амын 43 орчим хувь нь бүрэн вакцинд хамрагдсан байгаа. Мөн тус улсад Moderna-аас гадна Pfizer-BioNTech болон AstraZeneca вакцинуудыг баталсан. Moderna-гийн тунг зогсоох шийдвэр нь вазцинжуулалтын кампанит ажилд айхтар том нөлөө үзүүлэхгүй гэж Засгийн газрын албаны мөн мэдээлжээ.

Дэлхийн бусад хэсэгт ковидтой холбоотой: 

• Pfizer-BioNTech вакцинтай холбоотой миокардит үүсэх эрсдэл ховор байдаг боловч Ковидоор өвдөсний дараа вакцин тариулсны дараахаас илүү миокардит үүсгэх магадлал өндөр байдаг гэж мэдээлэв.

• АНУ-ын Флорида муж тахлын аль ч үеэс илүү бусад муж улсаас хүндээр, том дэгдэлтэнд өртөөд байгаа бөгөөд энэ долоо хоногт Флорида мужид өдөрт дунджаар 228 вирусын нас баралт бүртгэгджээ.

• Гуамын аялал жуулчлалаас хамааралтай эдийн засаг саажилттай хэвээр байна. Засгийн газар жуулчдыг вакцинаар уруу татахыг оролдсон боловч зочдын багахан хэсэг л үр дүнд хүрсэн байна.

Б.Бүжлхамаа

www.nytimes.com