Дэлхийн Эрүүл Мэндийн Байгууллага /ДЭМБ/-ын Ерөнхий захирал Тедрос Аданом Гебрейесус улс орнуудыг энэ намар дахин шинэ тахлын эсрэг бэлтгэлтэй байж, хариу арга хэмжээ авахыг уриалав. Тэрээр энэ талаар Жене хотноо болсон мэдээллийн үеэр ДЭМБ-ын твиттер хуудсаар дамжуулан мэдээлжээ.
Түүний хэлснээр, Дэлхийн нөхцөл байдал хэдийгээр тогтворжиж эхэлж байгаа ч өвчлөл, нас баралтын түвшин маш өндөр хэвээр байна.
Тэрээр “Ирэх гурван сар бол ирээдүйд дэгдэх тахлын эсрэг бэлтгэл хийх, хариу арга хэмжээ авах чухал үе байх болно” гэв.
Дэлхий дээр өдөр бүр илэрч байгаа коронавирусийн халдварын тохиолдол, нас баралтын тоо тогтворжиж байгааг ДЭМБ-ын тэргүүн онцолсон юм. Гэсэн ч, энэ тогтвортой байдал маш өндөр түвшинд байгаа, учир нь халдварын 4,5 сая гаруй тохиолдол бүртгэгдэж, өдөрт 68 мянган хүн барж байгааг ч онцоллоо.
Өмнө нь, ДЭМБ-ын ахлах эрдэмтэн Сумья Сваминатан коронавирус нь Энэтхэгт эндемик шинжтэй өвчлөл болсон гэж мэдэгдэж байв. Эндемик гэдэг бол зөвхөн тухайн бүс нутагт тархсан өвчлөл бөгөөд Энэтхэг улс яг одоогийн байдлаар өвчний дэгдэлт зөвхөн тус улсын зарим бүс нутагт дэгдээд байгаа юм.
Наймдугаар сарын 14-нд ДЭМБ-аас мэдээлснээр, Дэлхий даяар хүүхдүүдийн дунд “ковид-19” халдвараар нас барах тохиолдол, эзлэх хувь нэмэгдэж байгаа ба энэ нь ихэвчлэн хүн амын вакцинжуулалт өндөртэй улс орнуудад ажиглагдаж байгаа аж.
