АНУ-ын Ази гэж нэрлэгддэг хүмүүсийн тоо сүүлийн гурван арван жилд бараг гурав дахин нэмэгджээ. Тодруулбал, 1990 онд 6.6 сая байсан бол 2020 онд бараг 20 саяд хүрчээ. Саяхан нэгтгэсэн статистикаас харахад Азиуд нэгдсэн улсын дөрвөн томоохон үндэстнүүд дотроос хамгийн хурдацтай хөгжиж буй хүмүүс болжээ.
Энэхүү гучин жилийн хугацаанд хүн ам нь газарзүйн хувьд илүү байршиж, далайн эргийн хотууд болох Өмнөд захын дүүрэг, Баруун Дундад бүсийн хөдөө нутагт тархсан гэж Таймс тооллогын дүн шинжилгээний талаарх мэдээндээ дурджээ.
"Pew Research Center"-ийн арьс өнгө, үндэс угсаа судлалын дэд захирал Нил Руиз "Хүмүүс Америк Ази гэж бодохдоо Калифорни, Хавай гэж боддог. Гэхдээ энэ хүн ам нь Баруун эргийн үзэгдэл биш юм. Энэ бол одоо Америкийн үзэгдэл болсон" гэжээ.
Эдийн засгийн хувьд Азийн өрхийн орлого АНУ-ын нийт хүн амын орлогоос давж гардаг бөгөөд боловсролын түвшин ч өндөр байна. Гэхдээ бүлгүүдийн дунд, ялангуяа иргэний статустай холбоотой бол маш том ялгаа байдаг байна.
Жишээлбэл, солонгос айлуудыг авч үзэхэд хэрвээ тухайн өрхийн тэргүүлэгч нь америкад төрсөн эсвэл өссөн албан ёсны иргэн бол тэр хүмүүсийн дундаж орлого 95,000 доллар байдаг. Харин бичиг баримтын хувьд албан ёсны бус иргэдээр толгойлуулсан өрхүүдийн хувьд дундаж орлого нь ердөө 54,000 доллар байгдаг байна. Энэ ялгаа нь Хятад эсвэл Тайван гаралтай хүмүүсийн хувьд бүр ч том байна.
Б.Бүжлхамаа
www.nytimes.com
