Шинэ Өмнөд Уэльсийн албан тушаалтнууд Дельта хувилбар дэгдэлтийг нэмэгдэж байгаа тул дор хаяж долоо хоногийн хугацаанд хөл хориог хүчинтэй байлгахаар боллоо. 

Өнгөрсөн бямба гаригт тус мужид 466 шинэ тохиолдол бүртгэгдсэн нь тахал өвчний нэг өдөрт тохиолдсон хамгийн өндөр үзүүлэлт боллоо.

Вирус Сиднейгээс ойролцоох хотууд болон эмзэг бүлгийн уугуул иргэдэд илүүтэй тархсан аж. Албан тушаалтнууд долоон долоо хоног үргэлжилсэн хөл хориог зөрчсөн хотын иргэдийг буруутгаж байна.

Одоо Сиднейн оршин суугчид хэрвээ хотоос гадуур аялахыг хүсвэл зөвшөөрөл авах шаардлагатай болж байна. Зарим сургуулиуд хичээлийн шинэ жилээ нээж амжилгүй дахиад хаах хэрэгтэй болох нь. Тус хот мужийн иргэд дасгал хийх, зайлшгүй шаардлагатай үед дэлгүүр хэсэх зэрэгт л гэрээсээ таван километрийн зайтай гарч болно.  Албан тушаалтнууд гаргасан шийдвэрээ бодитоор хэрэгжиж буйг хянахын тулд худал хэлэх гэх мэт зөрчлийн торгуулийг нэмэгдүүлжээ.

Мөн түүнчлэн дархлаажуулалтыг хурдасгахын тулд олон нийтийн гишүүд нэгдэж байгаа тул вакцинжуулалтын түвшин нэмэгдэж байна. Одоогийн хурдаар Австралийн 16-аас дээш насны хүн амын 70 хувь нь дор хаяж Есдүгээр сарын 25-н гэхэд эхний тун вакцин хийлгэх аж.

А.Долгор