Ерөнхийлөгч Жо Байден хэдхэн цагийн өмнө Цагаан ордонд мэдэгдэл хийлээ. Тэрээр Афганистан дахь АНУ-ын үүрэг даалгав "хэзээ ч үндэстэн байгуулах тухай байгаагүй" гэсэн бөгөөд цэргээ татан авах "тохиромжтой цаг" гэж байхгүй гэжээ.

Ерөнхийлөгч Жо Байден "Миний хийх ёстой сонголт бол зэвсэгт хүчээ татах гэрээг дагаж мөрдөх явдал эсвэл мөргөлдөөнийг улам хурцатгаж, олон мянган америк цэргүүдийг байлдаанд буцааж илгээх, мөргөлдөөнийг үргэлжлүүлэхийн нэгийг хийх ёстой болоод байна. Би өөрийн шийдвэрийнхээ ард бат зогсож байна" гэв.

Түүний хэлсэн үг Афганистаны ард түмний хүнд хэцүү долоо хоногийн дундуур цацагдлаа. Харамсалтай нь Талибанчууд Кабулыг эзлэн авсны дараа АНУ-ын цэргүүдийн хамгаалалтад байсан Хамид Карзайн нэрэмжит олон улсын нисэх онгоцны буудал дээр хэдэн мянган хүний үер үүссэн юм.

Энэ бол цөхрөл, уйтгар гунигийн дүр зураг байв. Нэгэн цагт афганчууд АНУ-руу нисч буй цэргийн онгоцыг эндээс үдэж үй олноороо хөөрч хоцордог байв. Одоо гэтэл. Юмс өөрчлөгддөг, гэхдээ л орвонгоороо эргэчих тэнхэлтэй дэлхий аж.

Хиймэл дагуулаас авсан зургуудаас тус улсаас дүрвэх гэж буй хүмүүсийн эмх замбараагүй байдлыг харж болно.

Нэгдсэн улсын засгийн газраас Америкийн иргэд болон "зарим эмзэг Афганистаны иргэдийг" нүүлгэн шилжүүлэхээр олон мянган тэнгисийн явган цэргийг замд гаргажээ. 

Пентагон даваа гаригт нисэх онгоцны буудал руу орох болон гарах бүх цэргийн мөн иргэний нислэгийг зогсоосон гэж мэдэгдлээ.

Ганийн засгийн газрын төв банкны ерөнхийлөгч Ажмал Ахмадий Твиттер хуудсандаа "Үүнийг ингэж дуусгах шаардлагагүй байсан. Афганистаны удирдлага ямар ч төлөвлөлт хийгээгүйд сэтгэл дундуур байна" гэжээ. 

Б.Бүжлхамаа

www.nytimes.com