Бангладеш коронавирусийн халдварын гурав дахь, хамгийн аюултай үхлийн давалгаанд өртөж байна. Гэхдээ тус улс лхагва гаригт эдийн засгаа сэргээж, хүмүүсийг ажилдаа эргэн орох боломжийг олгохын тулд хөл хорих ихэнх арга хэмжээг цуцалжээ.

Банк, дэлгүүр, худалдааны төвүүд дахин нээгдэж, автобус, галт тэрэг явж эхлэв.

Оёдлын үйлдвэрлэлийг хоёр долоо хоногийн өмнө дахин эхлүүлэхийг зөвшөөрсөн нь олон мянган хүмүүсийг нийслэл Дака руу буцахад хүргэсэн байна. Эрүүл мэндийн шинжээчид хязгаарлалтыг цуцалснаар дэгдэлтийг улам дордуулна гэж эмээж байгаач үүнээс дээр сонголт байхгүй.

Цар тахал 24.5 сая орчим хүнийг ядууралд хүргэсэн гэж Дөрөвдүгээр сарын судалгаагаар мэдээллэсэн. Засгийн газрын зөвлөхүүд хязгаарлалтыг цуцлах ёстой гэдэгт санал нэгтэй байгаа юм.

"Засгийн газар улс орноо үүрд хөл хорих боломжгүй" гэж нэг албан тушаалтан хэлэв.

Бангледшд эмнэлгүүд ачаалал ихтэй байгаа бол хүн амын ердөө 4 хувь нь л вакциндаа бүрэн хамрагдсан байна. Эрх баригчид зочид буудал түрээслэж, өвчтөнүүдийг эмчлэх түр эмнэлэг байгуулжээ.

Дэлхийн бусад хэсэгт ковидтой холбоотой: 

• Герман вакцин хийлгэхгүй байгаа насанд хүрэгчдээс Ковидын шинжилгээ үнэгүй авахаа болино. 

• Коронавирусийн халдвар авсныхаа дараа Австралийн далайн эргийн хотод долоо хоногийн турш хоригдсон Сидней хотын иргэнийг нийгмийн эрүүл мэндийн зааврыг зөрчсөн хэмээн буруутгаж байна.

• Дэлхийн эрүүл мэндийн байгууллага нь Ковид-19-ийн үр дүнтэй эмчилгээг хайж олох туршилтын хүрээнд гурван нэмэлт эмийг туршиж байна.

Б.Бүжлхамаа

www.nytimes.com