Грекийн Ерөнхий сайд Кириакос Мицотакис орон даяар тархсан ой хээрийн түймэртэй тэмцэж, галыг хурдан намжааж чадаагүйдээ уучлалт гуйжээ.

Олон зуун гал сөнөөгчид асар олон тооны түймэртэй тэмцэж байгаа бөгөөд олон мянган хүмүүс гэр орноо орхин дүрвэж, олон зуун эд хөрөнгийг сүйтгээд байна.

Кириакос Мицотакис хэлэхдээ "Бид хүний ​​хийж чадах зүйлийг хийсэн байж магадгүй, гэхдээ ихэнх тохиолдолд энэ нь хангалтгүй байлаа" гэсэн юм.

Долоо хоногийн турш ассан Афины зүүн хойд хэсэгт орших Эвиа арлаас өтгөн утаа нүүгэлтсээр байна.

Хэдэн зуун оршин суугчид түймрээс зугтахын тулд арлаас гарахыг тушаасан боловч зарим нь үл хөдлөх хөрөнгөө хамгаалахаар үлдэхээр шийджээ.

Ерөнхий сайд Кириакос Мицотакис телевизээр хэлсэн үгэндээ "Гэр орон, эд хөрөнгө нь шатаж байгааг харсан манай иргэдийн зовлонг би бүрэн ойлгож байна. Гэхдээ бид урьд өмнө тохиож байгаагүй их хэмжээний байгалийн гамшигтай нүүр тулж байна" гэжээ.

Засгийн газрын хариу арга хэмжээ удааширч, техниз эвдэрсний улмаас олон нийтийн уур бухимдал улам бүр нэмэгдсээр байна.

Үүний хариуд Ерөнхий сайд Кириакос Мицотакис "Аливаа алдаа дутагдлыг олж тогтоох болно" гэж хэлсэн юм. Харин гал сөнөөгчид "Хүч чадлаасаа давсан ер бусын байгалийн хүчтэй тулалдаж байна" гэж мэдэгджээ.

НҮБ-аас хүний ​​үйл ажиллагаа нь цаг агаарын эрс тэс үзэгдлийг улам бүр түгээмэл болгож байна гэсэн томоохон тайлан гаргажээ.

Хүчтэй салхи, Грекийн сүүлийн хэдэн арван жилийн хамгийн муу дулаанаас болж Долдугаар сарын сүүлээс хойш улс даяар 580 гаруй түймэр гарсан байна.

Хамгийн том нь Эвиад болж байгаа бөгөөд энд 650 гал сөнөөгч гал унтраахаар тэмцсээр байна.

"Гал бол бидний хувь тавилан байсан, хэн ч унтраах боломжгүй байсан" гэж гал түймэрт бүхэл бүтэн фермээ алдсан Вангелис Катсарос BBC-д өгсөн ярилцлагадаа дурджээ.

Б.Бүжлхамаа

www.bbc.com