Хятадыг коронавирусийг таслан зогсоодог хамгийн сайн бодит туршлага хэмээн өргөмжилж байсан юм. Тэгвэл коронавирус анх илэрсэн Ухань хот вирус илэрснээс хойшхи хамгийн том сорилттой тулгарч байна. Ухань хотод маш  хурдан халдварладаг дельта хувилбар тархажээ.

Засгийн газар хатуу дүрэм журам тогтоож, хурдтай шинжилгээ авч, зарим хотуудад хүмүүсийг гэрээсээ гарахыг хориглосон боловч Хятадад нэгэнт дэлгэрсэн дэгдэлтийг зогсоох нь урьд өмнөхөөс хамаагүй хэцүү байна гэдгийг Хятадын албаны хүмүүс хүлээн зөвшөөрсөн байна. Одоогийн байдлаар уг вирус БНХАУ-ын 31 муж, өөртөө засах орны 15-д тархаад байна.

Гадаад харилцааны зөвлөлийн Дэлхийн эрүүл мэндийн асуудал хариуцсан ахлах мэргэжилтэн Янжонг Хуанг хэлэхдээ, "Ялангуяа "шинэ хувилбарууд" гарч ирэх тусам Хятадын "хөл хорионд суурилсан" стратеги нь урт хугацаанд үр дүнгээ өгөхгүй.  Ийм хандлагыг хэрэгжүүлэх нь маш их зардал гарах болно" гэжээ.

Бээжинд тулгарч буй сорилтуудын нэг хэсэг бол тус улсыг дархлаажуулахад ашигласан Хятадад үйлдвэрлэсэн вакцинууд нь Дельта хувилбарын эсрэг үр дүнтэй байж чадахгүй байгаа явдал ажээ.

Дэлхийн бусад хэсэгт ковидтой холбоотой: 

• Дэлхийн Эрүүл Мэндийн Байгууллага вакцинжуулалтын түвшин дэх дэлхийн ялгааг арилгахын тулд Есдүгээр сарыг дуустал нэмэлт эм тариаг түр зогсоохыг уриалав.

• Коронавирусийн халдвар урьд өмнө байгаагүй хурдацтай өсч байгааг Япон анхаарууллаа. Урьд өдөр нь буурч байгаа юм шиг байсан тохиолдлын тоо Токиод дээд хэмжээнд хүрсэн байна.

• Пакистан тахал эхэлснээс хойш анх удаа өдөрт нэг сая давсан вакцинжуулалт хийжээ.

• Барак Обама Дельта хувилбар тархахаас болгоомжилж 60 насныхаа төрсөн өдрийг цуцалжээ.

Б.Бүжлхамаа

www.nytimes.com