Цар тахлын эсрэг тэмцлийн үлгэр жишээ болсон Өмнөд Солонгос вакцинжуулалт удаашралтай байна. Нийлүүлэлтийн асуудал вакцины кампанит ажилд хүндрэл учруулж байгаа бөгөөд тус улс энэ сараас эхлэн 50-аас дээш настай хүмүүсийг коронавирусийн эсрэг вакцинд хамруулж эхэлжээ.

Засгийн газрын цахим хуудсанд вакцинд хамрагдахаар бүртгүүлсэн нэгэн иргэн тус сайтнаас авсан хариу захидлаа сошиал хуудаснаа хуваалцжээ.

Захиадалд, "Таны өмнө 401,032 хүн хүлээж байна. Таны хүлээх хугацаа: 111 цаг, 23 минут, 52 секунд" гэжээ.

Тус улс халдварын хамгийн аймшигт давалгаатай нүүр тулж байгаа тул өнөө үед Өмнөд Солонгосчуудад вакцины тун авах гэж оочерлох, ковидтой тэмцэх 2 бараг адилхан цөхрөнг нь барж байна. Тус улс лхагва гаригт нэг өдөрт тохиолдсон хамгийн өндөр тоог бүртгэжээ.

Арваннэгдүгээр сард хүмүүс Засгийн газрыг вакцинд хойрго хандаж байна гэж буруутгахад Өмнөд Солонгос Ковид-19-ийн тархалтыг зохицуулж чадсан, амжилттай байгаа тул албаны хүмүүс тэдэнд санаа зовох хэрэггүй гэж хэлсэн юм. Тус улс вакцинжуулалтыг Хоёрдугаар сарын сүүлчээр эхлүүлсэн боловч Зургаадугаар сарын сүүлээр дэлхийн эрэлт хэрэгцээг хангахын тулд цөөн тооны вакцин үйлдвэрлэгчид тэмцэж байгаа учраас нөөц нь дуусч эхэлжээ.

Тус улс нь 20 үндэстний бүлгийн хамгийн бага вакцинжуулсан орнуудын нэг юм.  Лхагва гаригийн байдлаар 52 сая хүн амынхаа 34.9 хувь нь л гэхэд дор хаяж нэг тун авсан нь бусад хөгжингүй орнуудын 55-70 хувиас хамаагүй доогуур байгаа юм.

Дэлхийн бусад хэсэгт ковидтой холбоотой: 

• АНУ болон Европын Холбооноос вакцинжсан иргэдийг Даваа гаригаас эхлэн Англи, Шотланд руу хорио цээрийн дэглэмгүйгээр нэвтрэхийг зөвшөөрнө.

• Африк тивийн хамгийн их хүн амтай хоёр улс болох Нигери, Өмнөд Африкт 10 сая орчим вакцины тун илгээх болно.

• Google компани ажилчдаа вакцинд хамруулж, ажилдаа орох өдрөө хойшлуулах шаардлагатай гэж мэдэгджээ.

Б.Бүжлхамаа

www.nytimes.com