Индонез улсад коронавирусийн халдварласан таваас доош насны хүүхдүүдийн ихэнх нь аймшигтай, ер бусын хурдтайгаар нас барж байна.

Хүүхдийн эндэгдлийн түвшин сарын турш долоо хоног бүр 100 давж байгаа нь байдал хичнээн хурц байгааг илтгэнэ. Бидний одоо хүртэл мэдсэнчлэн ихэнх хүүхдүүд тухайн улс орондоо чимээгүй зөөвөрлөгч байдаг гэдэг тогтсон ойлголтыг энэ тоо эргүүлж тавьж байна. Ялангуяа дельта хувилбарын үсрэлттэй давхцаж байгаа нь гал дээр тос нэмж буй бололтой.

Эрүүл мэндийн мэргэжилтнүүд нас баралтын тоо нэмэгдэхэд эрүүл мэндийн суурь нөхцөл байдал, эмнэлгүүдийн хэт ачаалал зэрэг олон хүчин зүйл нөлөөлж байгаа гэж мэдэгдэв.

Хүүхэд ивээх сангийн Азийн эрүүл мэндийн зөвлөх, доктор Ясир Арафат "Өнөөдрийг хүртэл хүүхдүүд энэ цар тахлын нууц далд хохирогчид байсаар ирсэн" гэж хэллээ. 

Энэ Долдугаар сард Индонез улс цар тахлын шинэ голомт болов. Бараг л гурван шинжилгээ тутмын нэг нь эерэг гарч байгаа нь вирус хэрхэн хурдацтай тархаж байгаагийн илрэл юм.

Харин вакцинжуулалтын хувьд Индонезчуудын дөнгөж 16 хувь нь нэг тунг хэрэглэж, дөнгөж зургаан хувь нь бүрэн вакцинд хамрагдсан гэж “Манай дэлхий мэдээлэлд” төслөөс мэдээлэв.

Дэлхийн бусад хэсэгт ковидтой холбоотой үйл явдлууд:

• Австралийн Сидней хотод иргэд нэг сар шахуу гэртээ хөл хоригдсныг эцэст 3500 гаруй голдуу маскгүй хүмүүс цуглан мужийн хэмжээнд гэртээ байх зарлигийг эсэргүүцэн жагсав.

• Дельта хувилбарын талаарх айдас Австралитай хаяа залгаа Шинэ Зеландад хүрч тус улсаас ирэх аяллын хөлийг дор хаяж найман долоо хоног түр зогсооход хүргэлээ.

• Европын холбооны эмийн зохицуулагч холбоо 12 ба түүнээс дээш насны хүүхдүүдэд зориулсан Модерда вакцин хийлгэх зөвшөөрөл олгов.

• Камбожид шинжилгээний хариу эерэг гарсан өвчтөнүүд эмнэлгүүд гэхээсээ илүү түр зуурын шоронтой төстэй хорио цээрийн төвүүдэд албадан шахагдаж байна гэж мэдэгджээ.

Б.Бүжлхамаа

www.nytimes.com