Өнгөрсөн хоногт коронавирусийн халдварын 1364 тохиолдол батлагдаж, 9 иргэн энджээ. Шинээр батлагдсан тохиолдлы тодруулбал Улаанбаатарт 769, орон нутагт 565 тохиолдол илэрсэн байна. Ингээд Монгол улсын хэмжээнд цар тахлын батлагдсан тохиолдол 144,942, нийт нас барсан хүний тоо 716 болоод байна. 

Харин дэлхий дахинаа коронавирусийн дельта хувирбар эрчимтэй тархаж байна.

• Африкт сард нэг сая шинэ тохиолдол бүртгэгдсэн нь одоогийн байдлаар хамгийн хурдан өссөн давалгаа болж байна.

• Австралийн улс төрчид тус улсын вакцины тархалт удаан байгаад эмнэлгийн ажилчдыг буруутгаж байна.

• Лондоны театруудад эерэг тохиолдол гарсан тул нийт багийн гишүүдийг хорио цээрийн дэглэмд шилжүүлэн төлөвлөгдсөн бүх тоглолтоо цуцалжээ.

• Индонези улсад гарч буй коронавирусийн өдрийн тохиолдол Энэтхэг улсынхаас ч өндөр боллоо. Лхагва гаригт 54,500 гаруй эерэг тохиолдол бүртгэгдсэн тухай мэдээлсэн нь дараалсан 3 дахь өсөлт боллоо.

• Австралийн эрх баригчид Сиднейн хөл хориог энэ сарын эцэс хүртэл сунгасан байна.

• Англи хязгаарлалтаа цуцалсан ч Лондонгийн нийтийн тээврээр маск заавал зүүсэн байх ёстой. 

• Энэтхэгийн албаны хүмүүс вирусын эсрэг жигд бус хариу урвал, вакцинжуулалтын ажлыг эрчимтэй явуулж чадахгүй байгаа нь халдварын гурав дахь давалгааг өдөөж болзошгүйг анхааруулж байна.

• Өмнөд Солонгосын бейсболын дээд лиг таван тоглогчдоос Ковид-19-ийн хариу эерэг гарсан тул улирлын тоглолтуудыг зогсоожээ.

• Сөүлийн биеийн тамирын заал тамирчид гүйлтийн замд хурд тавьж, намуухан хөгжим тоглож хүмүүсийг хэт хүчтэй амьсгалах, хөлрөхөөс урьдчилан сэргийлэхээр төлөвлөж байна.

• Францын Ерөнхийлөгч Эммануэль Макрон эрүүл мэндийн ажилтнуудад вакцин хийлгэхийг үүрэг болгосны дараа Францад 1.3 сая гаруй хүн ковидын эсрэг вакцины захиалга өгч, дархлаажуулалтын баталгаа эсвэл саяхан гарсан сөрөг шинжилгээ удахгүй ресторан, соёлын газруудад орох шаардлагатай болно гэж мэдэгджээ.

Б.Бүжлхамаа