7-р сарын 5-нд Египетийн Ерөнхий Сайд Мустафа Мадбули, Эрүүл Мэнд, Нийгмийн Хамгааллын Сайд Хала Зайед нар БНХАУ-аас Египет улсад суугаа Элчин Сайд Ляо Личян нар Египетийн вакцины үйлдвэртэй танилцжээ.
Египет Улс одоогийн байдлаар 1 сая тун Хятадын "Синовак" вакциныг дотооддоо үйлдвэрлээд байгаа бөгөөд тус вакцины үйлдвэр нь өдөрт 300 мянган тунг үйлдвэрлэх хүчин чадалтай болсон байна. Хэрэв түүхий эд хангалттай бол өдөрт 600 мянган тунг ч үйлдвэрлэх боломжтой гэдгийг  Египетийн Ерөнхий Сайд Мадбули онцлоод, коронавирусийн эсрэг вакцины нийлүүлэлт дэлхийн хэмжээнд хүрэлцээ муутай байгаа учраас вакциныг өөрийн орондоо үйлдвэрлэх нь Египетийн хувьд маш чухал ач холбогдолтой юм  гэжээ.
 
Тэрээр мөн дотооддоо вакцины үйлдвэр байгуулж буй Египетийг идэвхтэй дэмжиж буй Хятад улсад талархал илэрхийлээд,  үйлдвэрлэлийн хүчин чадлыг өргөжүүлэхийн тулд  илүү их түүхий эдээр хангахыг хүссэн байна.
 
"Синовак" компани Египетэд 2 сая тун вакцин үйлдвэрлэхэд ашиглах 1400 литр Синовак вакцины уусмал нийлүүлээд буй бөгөөд үйлдвэрлэлийн дамжлагад хяналт тавих зорилгоор техникийн тусгай мэргэжилтнийг Египетэд томилжээ.