Афганистан дахь АНУ тэргүүтэй төлөөлөгчийн газрын командлагч, генерал Остин Миллер АНУ болон олон улсын цэргүүд ирэх долоо хоногт гарахаар бэлдэж байгаа тул тус улс эмх замбараагүй, олон талт иргэний дайн руу орох замд орж болзошгүйг анхаарууллаа.

Остин Миллер "Одоо байгаа замналаа үргэлжлүүлбэл иргэний дайн болох нь илт байна. Энэ бол дэлхийн анхаарлыг татсан асуудал байх ёстой" гэж хэвлэлийн бага хурлын үеэр хэллээ.  

Тэрээр цэрэг татлага хэзээ дуусах талаар тодорхой цаг хугацаа хэлээгүй боловч 2018 оны 9-р сараас эхэлсэн командлалаа удахгүй дуусгах хэмжээнд хүрсэн талаар мэдээлэв.

Вашингтонд Төлөөлөгчдийн танхим цэргүүдтэй хамтран ажиллаж байсан мянга мянган Афганчуудыг АНУ-д цагаачлах боломжийг олгох үйл явцыг хурдасгахаар санал хураав. Орчуулагч, инженер, хамгаалагчаар ажиллаж байсан олонхи нь хамтын ажиллагаанаасаа болж аюулд оржээ.  

Талибанчууд давшиж байгаа тул Кабулын иргэний нисэх онгоцны буудлын аюулгүй байдлыг үргэлжлүүлэх талаар АНУ, Туркийн хооронд хэлэлцээр хийгдэж байна. Хэрэв тохиролцоонд хүрэхгүй бол Афганистанаас тусламжийн бүлгүүд тасалдаж магадгүй бөгөөд Кабул дахь АНУ-ын элчин сайдын яам болон бусад дипломат төлөөлөгчийн газруудыг хадгалах төлөвлөгөө нь хөсөр хаягдах бололтой.

Б.Бүжлхамаа

www.nytimes.com