Номхон далайн баруун өмнөд хэсгээр болон баруун хойд хэсгээр агаарын температур дээд амжилтыг тасралтгүй эвдэж байгаа тул хэт халалтын улмаас Канадад хэдэн арван хүн нас баржээ.

Британийн Колумбийн цагдаа нар даваа гаригаас хойш гэнэтийн үхэл 60 гаруй хүний ​​аминд хүрсэн, олон ахмад настнуудын дунд хариу арга хэмжээ авсан гэж мэдэгдэв. Тэд бүс нутагт нөлөөлж буй хэт халалт нь хүний ​​амь нас эрсдэхэд нөлөөлж байна гэжээ.

Британийн Колумбийн Литтон хотод агаарын температур даваа гаригт 47.9С (118.2F) болж, ням гаригт 46.6C (116F) болж халсан байна.

Энэ долоо хоногоос өмнө Канадад 45С (113F) хэмээс хэтрээгүй байв.

Канадын Ваннувер хотын захын Бернаби хотод байрладаг Майк Каланж хэмээх эрхэм "Хөршүүдээ шалгаарай, гэр бүлийн гишүүдээ, таньдаг ахмад настнуудаа шалгаарай" гэж уриалж байгаа бөгөөд, "Энэ цаг агаар манай нийгмийн эмзэг бүлгийн гишүүд, ялангуяа ахмад настан, эрүүл мэндийн асуудалтай хүмүүст үхлийн аюултай байж болохыг бид харж байна. Энэ хэт халуунд бид бие биенээ шалгаж байх хэрэгтэй" гэжээ. 

1940-өөд онд АНУ-ын Портлэнд, Сиэтл хотуудад бүртгэл хөтөлж эхэлснээс хойш хамгийн өндөр температурт хүрсэн байна.

Мөн энэ хэт дулаан нь кабелийг хайлахад хангалттай байгаа тул ням гаригт Портландын трамвайны үйлчилгээг зогсоосон байна.

Мэргэжилтнүүдийн хэлж буйгаар цаг уурын өөрчлөлт нь хэт халалт гэх мэт цаг агаарын эрс тэс үзэгдлийн давтамжийг нэмэгдүүлэх төлөвтэй байна. Гэсэн хэдий ч аливаа үйл явдлыг дэлхийн дулааралтай холбох нь төвөгтэй юм.

Литтон хэмээх бяцхан тосгонд оршин суугч Меган Фандрич "Глоб энд Мэйл"-д ярихдаа "гадаа гарах нь бараг боломжгүй байсан. Энэ нь тэвчихийн аргагүй байсан" гэж хэлээд, хэдэн өдрөөр ч болов бага насны охиноо Британийн Колумбийн хамаагүй сэрүүн байдаг бусад нутгаар өөр айлд байлгахаар явуулсан гэлээ.

Мөн тэрээр "Бид аль болох гэртээ үлдэхийг хичээж байна. Би халуунд дасчихсан, хуурай халуунд байгаа ч 30С 47-аас тэс өөр юм байна" гэсэн юм.

Ойролцоох Бурнаби хотод цагдаа нар "гэнэтийн үхэл"-ний 25 хэрэгт хариу өгсөн гэж мэдэгдсэн бөгөөд тэдний олонх нь ахмад настан байсан гэжээ.

Британийн Колумбийн түргэн тусламжийн ажилтнууд ням гаригт халалтаас улбаалсан 107 дуудлага, халуунд цохиулсан 32 дуудлагад хариу өглөө гэж The Globe&Mail мэдээлэв.

Мөн Сиэттлийн нэг оршин суугч AFP мэдээллийн агентлагт Вашингтон мужийн хот цөл мэт санагдсан гэж хэлжээ.

Даваа гаригт Амазон Сиэттл дахь төв байрандаа иргэдийг сэрүүцэх үүднээс нэвтрүүлэхийг зөвшөөрсөн байна.

Канадын хүрээлэн буй орчин нь Британи Колумбия, Альберта мужуудад Саскачеван, Баруун хойд нутаг, Юкон хотын хэсэг зэрэг газруудад хэт халалтын эсрэг сэрэмжлүүлэг гаргажээ.

"Бид хүйтэн, цасан шуургыг байнга хардаг, гэхдээ халуун цаг агаарын талаар тэр бүр ярьдаггүй. Хачирхалтай нь дэлхийн хамгийн халуун цэгүүдийн нэг Дубайд ч одоо биднээс сэрүүхэн байгаа" гэсэн байна.

Б.Бүжлхамаа

www.bbc.com