Канадын Саскачеван мужийн хуучин сургуулийн суурин дээрээс 761 индего /уугуул иргэд/ хүний шарил олджээ. Тэдний 100 гаруй нь хүүхдүүдийн шарил байна гэж Канадын индего иргэдийн бүлэг энэ пүрэв гаригт мэдээлсэн байна. Энэхүү нээлт нь өнөөг хүртэл олдсон хамгийн том оршуулгын газар юм.

Сар хүрэхгүй хугацааны өмнө Британийн Колумб дахь өөр нэг хуучин дотуур байртай сургуулийн хашаанаас хаяггүй булшнаас 215 индего хүүхдийн шарил олдсон юм. 

Олон хүмүүс эдгээр булшинд байгаа хүүхдүүдийн хичнээн нь шархадсан байж болох талаар асууж байна.

"Энэ бол хүн төрөлхтний эсрэг гэмт хэрэг, индего ард түмнийг хүйс тэмтэрсэн хэрэг байсан" гэж пүрэв гаригт хийсэн хэвлэлийн бага хурлын үеэр Бүрэн эрхт индего үндэстнүүдийн холбооны тэргүүн Бобби Камерон мэдэгджээ.

Тэрээр "Хүүхэд байхдаа бидний үйлдсэн цорын ганц гэмт хэрэг бол индего болж төрсөн нь байсан" гэсэн юм.

Холбооны комиссоос 2015 онд индего хүүхдүүдийг хүчээр уусгах зорилготой дотуур байртай сургуулийн систем нь оюутнуудыг шашны удирдлага дор хүчирхийлж, өвчин, үхэл, аюулаар заналхийлдэг "соёлын геноцид"-ын нэг хэлбэр болохыг тогтоож байжээ. 

Хамгийн сүүлийн үеийн олдворууд нь Канадад индего иргэдийг мөлжиж байсан түүхийн талаарх маргааныг улам гүнзгийрүүлж, дотуур байртай сургуулиудын аймшигт байдалд дахин анхаарлаа хандуулж, олон соёлт үзлийн оргил гэж үздэг байсан улс орныг түүхэнд хараар бичин үлдээж байна.

Үүнтэй зэрэгцээд АНУ энэ долоо хоногт индего америк хүүхдүүдийг оршуулсан байж болзошгүй дотуур байртай сургуулиудыг хайж олохоо мэдэгджээ.

Б.Бүжлхамаа

www.nytimes.com