Токиогийн зуны олимпийн наадам болохоос өмнө уг хотод баяр тэмдэглэх нэг шалтгаан гарч ирлээ. Аварга том панда Шин Шин Уэно амьтны хүрээлэнд ихэр бамбарууш төрүүлсэн нь сүүлийн дөрвөн жилийн хугацаанд анхны панда төрөлт болжээ.

Токиогийн амьтны хүрээлэнгийн вэбсайт дээр шинэ төрсөн хоёр пандаг лхагва гаригийн 1 цаг 03 минут, 2 цаг 32 минутад нэг цаг хагасын зайтай төрсөн гэж мэдээлсэн байна.

Одоогоор тэдний хүйсийг тогтоогоогүй байгаа аж.

"Бүх ажилтнууд аварга том панда ээж, зулзагуудыг ажиглаж, хамгаалах чиглэлээр хамтарч ажиллаж байна" гэж амьтны хүрээлэн вэбсайтдаа нийтэлжээ.

Энэхүү сайтын мэдээллийн дагуу нэг бамбарууш 124 грамм (4.37 унци) жинтэй байна. Нөгөөгийнх нь жин тодорхойгүй байна. Зулзага нь амьтны хүрээлэнгийн вэбсайт дээрх зургаас харахад насанд хүрсэн хүний ​​гарын урттай ойролцоо харагдаж байв. 

Эх панда Шин Шин нь 2005 оны Долдугаар сарын 3-нд Хятадын Волонг дахь Аварга Панда хамгаалах, судлах төвд төржээ.  Тэрээр арван жилийн өмнө эрэгтэй хамтрагч Ри Ригийн хамт Үено амьтны хүрээлэнд ирсэн бөгөөд хосууд нь 2017 оны Зургаадугаар сард төрсөн Сян Сян хэмээх эмэгтэй панданы эцэг эх юм.

Нярай зулзагануудыг амьтны хүрээлэнгийн үзэсгэлэнд хэзээ оруулах гэж байгаа нь одоогоор тодорхойгүй байна. 

Шинь Шинийг жирэмсэн байх магадлалтай шинж тэмдэг илэрснээс хойш олон нийтийн хараанаас хол байлгаж байсан байна. Мөн энэ хугацааны ихэнх нь цар тахалаас шалтгаалан зоопарк хаалттай байсан хугацаатай давхцаж байгаа юм.

Зургаадугаар сарын 4-д тус амьтны хүрээлэн үүдээ нээжээ.

Панда нь үржүүлэхэд хэцүү байдаг тул эмэгтэйчүүд нь жилд ганцхан удаа халуу оргиж, хамтрагчаа сонгодог ажээ.

"Панда одоо тавуулаа боллоо. Энэ бол үнэнхүү баяртай мэдээ юм" гэж Японы Засгийн газрын Ерөнхий нарийн бичгийн дарга Катцунобу Като хэлээд амьтны хүрээлэнгийн ажилтнуудад эх барьж авсанд нь баяр хүргэжээ.

Тэрээр "Амьтны хүрээлэнд байгаа бүх хүмүүс панда гэр бүлийг хамгийн түрүүнд эрүүл энх байлгахын тулд өдөр шөнөгүй чадах бүхнээ хийдэг гэдэгт би итгэдэг бөгөөд бүгдээрээ тэднийг халуун дулаан, чимээгүйхэн харж хамгаална гэж найдаж байна" гэжээ.

Б.Бүжлхамаа

www.cnn.com