Олон жилийн турш нэр хүнд нь алгуур уруудсаар уналтанд орсон дотуур хувцасны аварга Victoria’s Secret хэт секси төрхөө солин, томоохон эргэн ирэлт хийж байна.

Супермоделиуд болох Хайди Клум, Тайра Бэнкс зэрэг тус компанид л зөвхөн зургаа татуулдаг сахиусан тэнгэрүүд Виктория Секретээс гарсан. Тэдний оронд VS Collective нэртэй хөлбөмбөгийн од Меган Рапиное, жүжигчин Приянка Чопра Жонас нарын зэрэг долоо хүний бүрэлдэхүүнтэй шинэ нүүр царай гарч иржээ.

Victoria’s Secret нь удаан хугацааны туршид "эмэгтэйлэг байдлын талаархи нийтээр хүлээн зөвшөөрөгдсөн хэвшмэл ойлголтыг бий болгосон" гэж Сапна Махешвари, Ванесса Фридман нар Таймс сонинд бичиж байсан юм.

Гэхдээ тэр загвар нь одоо хуучирчихжээ. 

Сүүлийн арван жилийн хугацаанд Рори Сатран The Wall Street Journal-д бичсэнчлэн "Викториагийн эсрэг нууцууд" ихэссэн, ThirdLove, Cuup гэх мэт өрсөлдөгчид нь "тайтгарал, бэлгийн харьцаа, бүтэц, олон янзын загвар өмсөгчдийг багтаасан зар сурталчилгааны зураглалыг багтаах"-ыг чухалчилдаг гэв.

"Victoria’s Secret дасан зохицохдоо удаан байсан. Бид эрчүүдийн хүсдэг зүйлийн талаар ярихаа больж, эмэгтэйчүүдийн хүсдэг зүйл дээр гэрлээ өгч байх хэрэгтэй байсан" гэж тус брэндийн гүйцэтгэх захирал Мартин Уотерс хэлжээ. 

Дэлгүүрүүд дээрх манекенууд одоо янз бүрийн хэлбэр, хэмжээтэй байх болно. Тус компани сувилахуйн хөхний даруулга, спортын хувцас зэрэг бүтээгдэхүүнийг санал болгож эхлэх аж.

Нэг асуулт байсаар л байна. Эмэгтэйчүүд худалдаж авах болов уу?

А.Долгор