Унгарын Ерөнхий сайд Виктор Орбан 2022 оны сонгуулийн өрсөлдөөнд бэлдэж байх хооронд олон мянган Унгарчууд ижил хүйстнүүд болон хүйсийн өөрчлөлтийн талаарх сургуулиудад хэлэлцүүлэг явуулахыг хориглох тухай хууль тогтоомжийг эсэргүүцэн Будапештэд парламентын гадна эсэргүүцлээ илэрхийлэв.
Эсэргүүцэгчид солонгын далбааг мандуулж, зарим нь илт цөс нь хөөрч байв.
"Энэ бол аймшигтай, хүнлэг бус зүйл" гэж цэцэрлэгийн туслах Доминика Пандзса хэлэв. Тэрээр "Тэд хүмүүсийг бүх эрхийг нь хасахыг оролдож байна. Энэ нь зарим хүүхдүүдийг шүүгээнд түгжчихэж байгаатай ялгаагүй шүү дээ. Тэдэнд ч бас гарч ирэх боломжийг нь олгох хэрэгтэй" гэсэн юм.
Хатуу үндсэрхэг үзэлт Орбан нийгмийн бодлогоо улам радикал шинжтэй болгож, Европын хэв шинжийг гүн гүнзгий хуваасан өөрийн хууль бус дэглэмийн дагуу цагаачид болон ЛГБТ хүмүүсийг эсэргүүцэн хашхирч байна.
Коронавирусийн улмаас жил гаруй завсарлага авсны дараа энэ сард болсон хоёр ч эсэргүүцлийн жагсаал нь Орбан сөрөг хүчингүй биш гэдгийг харуулж, ирэх жил зургаан нам нэгдэж, түүнийг буулгаж авахаар үзэх нь тодорхой боллоо.
Орбаны засгийн газар үндсэн хуульд гэрлэлтийг нэг эрэгтэй, эмэгтэй хоёр хүнийнэгдэл гэж шинэчлэн тогтоож, ижил хүйстэн үрчлэлтийг хязгаарласан юм. Мөн трансжендер хүмүүсийн эрх зүйн байдлыг хуулиар хориглосон байдаг.
Эрх баригч Фидес намын зүгээс ЛГБТК-тай холбоотой асуудлаар сургуулийн яриа хэлэлцээрийг хориглох саналыг хэлэлцэж, хүйсийн өөрчлөлт гэх мэт өргөн хүрээнд дэмжигдсэн тусдаа хуулийг баталж, эсэргүүцэгчдийг хатуу шийтгэдэг болох тул эсэргүүцэгчид эсрэг санал өгөхөд бэрхшээлтэй болно.
Дашрамд, "Зарим байгууллагууд эдгээр семинарыг ялгаварлан гадуурхалтын эсрэг кампанит ажлын хүрээнд мэдрэгжүүлэх хөтөлбөр гэж нэрлэн хүүхдүүдийн бэлгийн хөгжилд нөлөөлөх зорилгоор ашигладаг бөгөөд энэ нь тэдний бие бялдар, оюун санаа, ёс суртахууны хөгжилд ноцтой хохирол учруулж болзошгүй юм" гэж эрх баригч намын хууль тогтоогчид уг нэмэлт өөрчлөлтөд дурджээ.
Хүний Эрхийн байгууллагууд энэ алхамыг 2013 оны ОХУ-ын уламжлалт бус бэлгийн харилцааны талаар "суртал ухуулга" хийхийг хориглосон хуультай адилтгаж байна.
Hatter LGBTQ эрхийн бүлэг амралтын өдрүүдэд нээлттэй захидал илгээхдээ УИХ-ын гишүүд мягмар гаригт хуулийн төсөлд санал өгөх ёсгүй гэж мэдэгдэж, НҮБ Унгарт ЛГБТQ хүүхдүүдийг ялгаварлан гадуурхахыг зөөлрүүлэхийг уриалсан байна.
"Олон нийтийн яриаг удирдахын тулд л улстөрчид хүүхдийн амийг золиослох нь бузар зүйл" гэж зарласан онлайн өргөдөлд 83,000 гаруй хүний гарын үсгийг цуглуулаад байгаа юм.
Сөрөг хүчний Momentum нам УИХ-ын санал хураалтыг бойкотлохыг уриалж, энэ хууль нь ЛГБТ хүмүүсд аюул учруулна гэж мэдэгдэв.
Б.Бүжлхамаа
www.reuters.com
