Амазоныг үндэслэгч Жефф Безос өөрийн сансрын компани болох Blue Origin-ийн эхлүүлсэн анхны хүн тээврийн ​​нислэгээр сансарт ниснэ гэдгээ мэдэгдлээ. Тэрээр эхний нислэгээрээ ахынхаа хамт нисэх аж. 

Жефф Безос инстаграм хуудсандаа сансрын нислэг бол миний "бүх амьдралынхаа туршид" хийхийг хүсч байсан зүйл хэмээн бичжээ.

Blue Origin нь капсул дахь өөр нэгэн суудлыг дуудлага худалдаанд оруулж байгаа бөгөөд анхны нислэгийн үеэр энэхүү суудлын эзэд Жефф Безостой нэгдэх ажээ.

Жефф Безос бол дэлхийн хамгийн баян хүмүүсийн нэг юм.

Сүүлд Форбс сэтгүүл, түүний хөрөнгө 186.2 тэрбум (£ 131.5 тэрбум) ам.доллар байна гэж мэдээлж байсан юм.

Тэрээр "Би Долдугаар сарын 20-нд энэхүү аяллаа ахтайгаа хамт эхлүүлнэ" гэжээ. Мөн "Хамгийн агуу адал явдалт аялалд, хамгийн сайн найзын хамт" гэсэн юм.

Жефф Безос нислэг хийхээр төлөвлөж байгаагаа зарлахад Blue Shep тэрэгний нэр болох New Shepard-д суудал авахаар тендер зарлаж, 2.8 сая долларт хүрсэн байна. Дуудлага худалдаа Зургаадугаар сарын 12-нд дуусна.

New Shepard өргөгч нь сансраас буцаж ирсний дараа босоо газар дээр буух боломжтой. Мөн энэ нь сансарт ниссэн хоёр дахь хүн, АНУ-ын анхны иргэн Алан Шепардийн дурсгалыг хүндэтгэн өгсөн нэр юм.

Б.Бүжлхамаа

www.bbc.com