Токио 2020 Олимпийн наадмыг зохион байгуулах хорооны Ерөнхийлөгч Сэйко Хашимото "Олимпийн наадам үргэлжлэх болно гэдэгт 100 хувь итгэж байгаа ч коронавирусийн дэгдэлт гарсан тохиолдолд үзэгчидгүйгээр үргэлжлүүлэх бэлтгэлтэй байх ёстой" гэж мэдэгдлээ.
Нэг жил хойшлогдсон Токиогийн наадам эхлэхэд 49 хоног үлдээд байна.
Япон улс коронавирусийн халдварын эсрэг тэмцэж байгаа бөгөөд тус улсын ихэнх хэсэг нь хөл хорионы байдалтай байгаа юм.
Сэйко Хашимото BBC Sport-д хэлэхдээ "Наадам үргэлжлэх магадлал 100 хувь бид үүнийг хийх болно гэдэгт би итгэж байна" гэсэн байна.
Тэрээр мөн "Яг одоо хүн бүрийн сонирхлыг татаж байгаа асуулт бол Олимп яг яаж илүү аюулгүй, найдвартай болох гэж байна вэ? гэдэг асуулт. Японы ард түмэн өөрсдөдөө итгэлгүй байгаа бөгөөд үүнтэй зэрэгцэн биднийг Олимпийн талаар ярихад бухимдал төрж байгаа байх. Сүүлийн үед Токио хотод наадам зохион байгуулахыг эсэргүүцэгчдийн дуу хоолой улам нэмэгдэж байна гэж бодож байна.
Хамгийн том бэрхшээл бол бид хүмүүсийн урсгалыг хэрхэн хянах, удирдах боломжтой вэ гэдэгт байна. Хэрэв наадмын үеэр хямрал эсвэл онцгой нөхцөл байдалтай тэнцэх хэмжээний дэгдэлт тохиолдвол бид эдгээр наадмыг үзэгчгүй үзэхэд бэлэн байх ёстой.
Бид гадаадад ирсэн хүмүүс болон Японд байгаа хүмүүс, Японы оршин суугчид, иргэдэд аюулгүй, найдвартай орон зайг бий болгохын тулд аль болох бүрэн битүүлсэн нөхцөл байдлыг бий болгохыг хичээж ажиллаж байна" гэлээ.
Наймдугаар сарын 24-нд эхлэх олимпын залгамж, паралимпийн наадамд олон улсын хөгжөөн дэмжигчдийг оруулахгүй.
Халдварын шинэ давалгаа Японд Дөрөвдүгээр сараас эхэлсэн бөгөөд зарим газар нутагт Зургаадугаар сарын 20 хүртэл хязгаарлалт тавьсан байгаа аж.
Тус улс хүн амынхаа вакцинжуулалтыг бусад хөгжингүй орнуудаас хожимдуулж эхэлсэн бөгөөд одоогоор хүмүүсийн зөвхөн 3 орчим хувь нь бүрэн вакцинд хамрагджээ.
Сейко Хашимото гадаадад үзэгчгүй байх нь "маш эмзэг шийдвэр" гэхдээ "аюулгүй, хамгаалалттай Олимп"-ыг зохион байгуулахад зайлшгүй шаардлагатай гэж мэдэгдэв.
"Олон тамирчдын хувьд энэ нь амьдралд нэг удаа л наадамд оролцох боломжтой боломж юм. Тэднийг бүгдийг нь дэмжиж ирсэн гэр бүлийн гишүүд, найз нөхөдтэй байх боломжгүй байх нь маш их шаналгаатай зүйл гэдгийг ойлгох хэрэгтэй. Намайг ч бас энэ асуудал шаналгаж байна" гэжээ.
Зарим улс орнуудыг зорчихоос урьдчилан сэргийлэх боломжийн талаар Сейко Хашимото нэмж хэлэхдээ "Япон руу хэн ирж болох вэ гэдэг нь Японы засгийн газрын шийдэх асуудал юм. Хэрэв засгийн газар тогтоосон наад захын шаардлагыг хангаагүйн улмаас тухайн хүмүүс Японд ирж чадахгүй болвол ОУОХ, ОУПХ-ны зүгээс энэ талаар юу гэж бодож байгааг сонсох ёстой гэж бодож байна" гэсэн юм.
Б.Бүжлхамаа
www.bbc.com
