Химийн бодис ачсан ачааны хөлөг онгоц Шри-Ланкийн эрэг орчимд дэлбэрчээ. Үүнээс улбаалаад байгаль орчны томоохон гамшиг болох вий гэсэн айдас нутгийнхныг түгшээж байна.
Сингапурт бүртгэлтэй X-Press Pearl хөлөг бараг хоёр долоо хоног шатаж байна.
Усан онгоц живсэн тохиолдолд хэдэн зуун тонн хөдөлгүүрийн тос далайд цутгаж, тэнгисийн амьдралд маш ихээр нөлөөлж болзошгүй юм.
Шри Ланк, Энэтхэгийн тэнгисийн цэргийн хүчин өнгөрсөн өдрүүдэд галыг унтраах, хөлөг онгоц эвдрэх, живэхээс урьдчилан сэргийлэх зорилгоор хамтарч ажиллаж байна.
Гэвч ширүүн тэнгис, муссон салхи уг ажиллагаанд саад учруулж байгаа юм.
"Усан онгоц живж байна. Усан цэргийнхэн усан онгоцыг живэхээс өмнө далайн гүний бохирдлыг багасгахын тулд чирэх гэж оролдож байгаа боловч хөлөг онгоцны арын хэсэг хэтэрхий эвдэрсэн" гэж Шри Ланка Тэнгисийн цэргийн хүчний төлөөлөгч, ахмад Индика Силва хэллээ.
Тус улсын хамгийн онгон дагшин далайн эрэг байрладаг Негомбо хотын ойролцоох далайн эрэг хавиар олон хоногийн турш газрын тос, хог хаягдалд бохирджээ.
Үүний зэрэгцээ, Загасны аж үйлдвэрийн яамны сайдын тушаалаар загасчлахыг түр хориглосон байна.
Түүнчлэн Лагууна болон түүний орчмын газрыг хог хаягдлаас хамгаалах, газрын тос гоожсон тохиолдолд хамгаалах зорилгоор онцгой байдлын урьдчилан сэргийлэх арга хэмжээ авсан гэв.
Б.Бүжлхамаа
www.bbc.com
