Вьетнам улс коронавирусийн шинэ хувилбарыг нээсэн бөгөөд тус улсын Эрүүл мэндийн сайдын мэдэгдсэнээр Энэтхэг, Их Британид анх илрүүлсэн хувилбаруудын холимог гэжээ. Тэрээр энэ хувилбарыг "маш аюултай" гэж нэрлээд илүү халдварлах чадвар нь өндөр байна гэжээ.
Эрүүл мэндийн сайд Нгуен Тхань Лонг лабораторийн шинжилгээгээр энэ хувилбар нь маш хурдан хуулбарладаг болохыг харуулж байгаа бөгөөд энэ нь Вьетнам дахь тохиолдлын тоог тайлбарлаж болох юм гэсэн байна. Тус улс одоохондоо ковид-19 анх гарснаас хойшхи хамгийн аймшигт дэгдэлтийг даван туулж байгаа юм.
Одоогоор шинэ хувилбарыг хэр зэрэг бүрэн шинжилсэн нь тодорхойгүй байна. Эрдэмтдийн хэлж буйгаар энэхүү хувилбар нь лабораторид байдаг шиг хурдан бодит нөхцөлд хуулбарлаж байгаа эсэхийг мэдэхгүй байгаа аж. Тиймээс яг ч баттай хэр өргөн тархсан болохыг хэлж мэдэхгүй байна. Мөн энэ хувилбар вакцины хамгаалалтаас эсвэл вирусын өөр хувилбараас байгалийн дархлаанаас зайлсхийж байгаа эсэхийг нь тогтоохоор шаргуу ажиллаж байна гэжээ.
Огцом дэгдэлт сүм хийдээс гарсны дараа Вьетнам ням гаригт Хо Ши Мин хотод шинэ хязгаарлалт хийхээ мэдэгдэв. Мөн улс орон даяар бүх шашны арга хэмжээг зохион байгуулахыг хориглосон шийдвэр гаргалаа.
Бүс нутгийн хувьд Зүүн өмнөд Азийн бусад орнууд ч өнөөдрийг хүртэл хамгийн том тархалттай тэмцэж байна. Өнгөрсөн жилийн бас нэгэн амжилтын түүх болсон Тайвань улс бас л хамгийн аймшигт дэгдэлтийг туулж байна.
Вакцинжуулалт Ази даяар бага багаар нэмэгдэж байгаа.
Дэлхийн бусад оронд ковид-19:
-
БНХАУ-ын Гуанжоу хотын албан тушаалтнууд сүүлд дэгдсэн халдварын тархалтыг зогсоохыг хичээж хөл хорио тогтоожээ.
-
Коронавирусийн айдсаас болж ажил хаяна гэж заналхийлсний дараа хэд хэдэн автомашин үйлдвэрлэгчид Энэтхэгийн Мотор хот гэгддэг Ченнай дахь үйлдвэрүүдийг түр хугацаагаар зогсоожээ.
-
Япон улс Токио болон бусад найман муж дахь онц байдлын хугацааг дор хаяж Зургаадугаар сарын 20-ныг хүртэл буюу Олимп эхлэхээс өмнөх нэг сар хүртэл сунгасан байна.
-
Непал вирус бага байгаа тул одоо яаралтай байдал зарлах талаар бодож байна.
Б.Бүжлхамаа
www.nytimes.com
