Энэ бол дэлхийн өнцөг булан бүрт байгаа тамирчид, үзэгчдэд одоо хүртэл эргэлзээ, болгоомжлол төрүүлж, шивнэн асуусаар байгаа асуулт юм.

Олимпийн зохион байгуулагчид өнгөрсөн долоо хоногт "үйл ажиллагааг хүргэх журам" гэж нэрлэсэн горимд шилжсэн гэж мэдэгдсэн. Энэ нь Долдугаар сарын 23-нд болох нээлтийн ёслолыг итгэл төгс нээнэ гэсэн бас нэгэн тод дохио байв.

Гэхдээ Японы зарим хэсэгт онц байдал тогтоогоогүй хэвээр байгаа тул олон нийт, бизнесийн нэрт зүтгэлтнүүд, наадмын түнш Асахи Шимбун сонин хүртэл зохион байгуулагчдын эсрэг болжээ.

АНУ өнгөрсөн долоо хоногт тус улсад аялах өндөр түвшний сэрэмжлүүлэг гаргажээ.

Хамгийн сүүлийн сэрэмжлүүлгийн дуу хоолой нь тамирчдын аюулгүй байдлыг хангах хорооны төлөвлөгөө нь коронавирусийн хямралын дунд хүмүүсийг хангалттай хамгаалахаар хэмжээнд хол явж чадаагүй, бусад томоохон спортын арга хэмжээнүүдийн сургамжийг анхаарч үзээгүй гэж нийгмийн эрүүл мэндийн мэргэжилтнүүд эмнэлгийн сэтгүүлд бичиж байна.  

Харин дэлхий дахинд ковидтой холбоотой:

• Ерөнхийлөгч Байден АНУ-ын тагнуулын байгууллагуудаас коронавирусийн гарал үүслийг тодорхойлохын тулд "хүчин чармайлтаа хоёр дахин нэмэгдүүлэхийг" хүсч, 90 хоногийн дотор өргөн тайлан гаргахыг уриалжээ.

• Европын холбооны өмгөөлөгчид AstraZeneca вакцин нийлүүлэлтээ хийхгүй бол тэд хэдэн тэрбум торгууль ногдуулах болно гэж мэдэгджээ.

• Их Британий Ерөнхий сайд Борис Жонсоны туслах асан Доминик Каммингс хууль тогтоогчдын өмнө мэдүүлэг өгөхдөө цар тахлын эхний өдрүүдэд Их Британийн засгийн газрын зүрхэнд эмх замбараагүй байдал, чадваргүй байдал байсэн талаар дүрслэн ярьжээ.

Б.Бүжлхамаа

www.nytimes.com