Төр, нийгмийн нэрт зүтгэлтэн С.Зоригийн амь насыг хөнөөсөн хэргээр Ц.Амгаланбаатар, Б.Содномдаржаа, Т.Чимгээ нарт нийслэлийн Сүхбаатар дүүргийн Эрүүгийн хэргийн анхан шатны шүүхээс ялын дээд хэмжээ буюу бүх насаар нь хорих ял оноосныг УДШ өнгөрөгч 2017 оны арванхоёрдугаарт сард хянан хэлэлцээд хорих ялын хэмжээг бууруулж, 20-25 жилийн хорих ял оноосон билээ.  

Тэгвэл өнөөдөр Ц.Амгаланбаатар, Т.Чимгээ, Б.Содномдаржаа нарт холбогдох хэргийн прокурорын бичсэн дүгнэлтийг Улсын Дээд шүүхэд хянан хэлэлцлээ.

Улмаар гурван шатны шүүхээс ялын дээд хэмжээг авсан Б.Содномдаржаа, Т.Чимгээ хоёрыг батлан даалтад гаргах шийдвэрийг шүүх бүрэлдэхүүн гаргалаа. 

Шүүх хуралдаан эхлэхээс өмнө Б.Содномдаржаа, Т.Чимгээ, Ц.Амгаланбаатар нарын өмгөөлөгч нар шүүгч Б.Цогтоос татгалзаж байгаагаа мэдэгдсэн ч шүүх бүрэлдэхүүн хүлээж аваагүй хэргийг хаалттай хэлэлцэв.

Шүүх хуралдааны илтгэгч шүүгчээр оролцсон шүүгч Б.Цогт шүүх хуралдааны өмнөхөн "Би Б.Хурц гэдэг хүнтэй хамааралгүй. Өмнө нь ч хэлсэн, одоо ч хэлж байна. Надад хувийн ашиг сонирхол байхгүй болохоор өнөөдөр хуралдааныг шийдвэрлэх гээд сууж байна. Төрийн албан хаагчийн ингэж гутаан доромжлохоо болих хэрэгтэй. Энэ хэрэг маргаан Дээд шүүхэд ирсэн цагаасаа хойш комьпютер программаар хуваарилагдаж ирдэг болохоос хэн нэг нь  хуваарилаагүй. Надад энэ хэргийн үнэн зөв шийдэх хүсэл байна" хэмээн байр сууриа илэрхийлсэн байна.