Кабул дахь ахлах сургуулийн гадаа хүчтэй дэлбэрэлт болж 50 гаруй хүн амь үрэгдэж, олон хүн шархадсаны ихэнх нь өсвөр насны охид байжээ. Энэхүү халдлага нь АНУ тус бүс нутгаас цэргээ гаргаснаар өдий хүртэл босгосон нийгмийн ололт амжилт, ялангуяа эмэгтэйчүүд, тэдний боловсрол эмзэг байдалд орох вий гэсэн болгоомжлол нэмэгдэж байгааг онцолсон юм.
Ахлах сургуульд өглөө нь хөвгүүдийн, үдээс хойш охидын хичээл ордог байна. Охидууд ангиас гарах үед яг 16 цагийн орчимд автомашинаас бөмбөг дэлбэрчээ. Оюутнууд яаран гарч ирэхэд дахин хоёр бөмбөг дэлбэрсэн гэж засгийн газрын төлөөлөгч мэдэгдсэн байна.
Ерөнхийлөгчийн ордон талибуудыг буруутгаж, тэд хариуцлагыг үгүйсгэж, халдлагыг буруушааж байна. Энэхүү аллага нь Америкийн цэргүүд гарахтай зэрэгцэн эвлэрэл гэхээсээ илүү эмх замбараагүй байдал үүсгэж, найдвараас илүү айдас түгшүүртэй байгаа нь бодит байдал хэцүү байгааг илтгэж байна.
Энэхүү бөмбөгдөлт Талибанчуудад хавчуулагддаг үндэстний цөөнх болох Шиит Хазара хороололд болжээ.
Хохирогч охины аав "Ганц сонголт бол буу барих явдал юм. Бид дөнгөж 11 настай охиноо оршууллаа. Тэр минь яг ямар буруутай юм бэ” гэж хэлжээ.
Олон иргэд Талибанчууд удахгүй засгийн эрхийг авах гэж оролдох болно гэж айж байна. Босогчид Афганистаны засгийн газартай энхийн гэрээ байгуулах магадлал багатай байсан ч тэдний хатуу ислам шашинтнууд, тэр дундаа охидыг сургуульд оруулахгүй байх нь дахин гол урсгал болж магадгүй юм.
Афганистанд сүүлийн долоо хоногт 140 гаруй засгийн газрыг дэмжигч, 44 энгийн иргэн амь үрэгдсэн нь Аравдугаар сараас хойш долоо хоногт амиа алдсан хүмүүсийн хамгийн өндөр тоо юм.
Б.Бүжлхамаа
www.nytimes.com
