Өнөөдөр Ардчилсан намын хувьд ээдрээт өдөр болж байна. 

Учир нь хэдхэн цагийн өмнө Ерөнхий сайд асан Р.Амаржаргал 2021 оны Ерөнxийлөгчийн ээлжит сонгуульд Ардчилсан намаас нэр дэвшигчийг тодруулаx дотоод сонгуулийн хороонд материалаа өгөөд байна. 

Ерөнхий сайд асан Р.Амаржаргал "Ардчилсан нам өөрийн дүрмийн дагуу дотоод сонгуулиа зохион байгуулах гэж байна. Ардчилсан намын гишүүд та бүхний хариуцлагатай, сонголтоо зөв хийх нь нэн чухал учраас АН-ын нийт гишүүд маань цахим сонгуульдаа идэвхтэй, хариуцлагатай оролцож, олон том ялалтуудыг эхлүүлнэ гэж найдаж байна" хэмээн хэлсэн юм.

Тэгвэл дөнгөж сая УИХ-ын гишүүн С.Ганбаатар АН-аас Ерөнхийлөгчийн сонгуульд нэр дэвшихээр өрсөлдөх хүсэлтээ өглөө. Тэрээр өчигдөр О.Цогтгэрэл даргатай АН-д элссэн боловч түүнийг намын дарга С.Эрдэнэ хүлээн авахгүй гэдгээ мэдэгсэн билээ. 

Харин УИХ-ын гишүүн С.Ганбаатар хэлэхдээ "Ардчилсан намд олон хүчтэй боловсон хүчин байгаа. Би Ардчилалд хайртай хүний хувьд горилж нэр дэвших хүсэлтээ өглөө" гэлээ. 

Мөн тэрээр Ардчилсан намын дотоод зөрчлийн талаарх асуултад "МАН-ыг хяналттай хамжааргатай болгохын тулд би АН-д элссэн. АН-ын гишүүдийн саналыг хүндэтгэх болно. Би амбиц, хүсэл мөрөөдлөө нуудаггүй. Мөнх тэнгэр ивээг. Би өөрийгөө эрсдэлд оруулан байж Ерөнхийлөгчид нэр дэвших хүсэлтээ өгч байна" гэлээ. 

Монгол улсын Ерөнxийлөгчид Ардчилсан намаас нэр дэвшигчийг тодруулаx дотоод сонгууль 2021 оны Тавдугаар сарын 1-нд цаxимаар явагдах юм байна.  Дотоод сонгуулийн хороонд Ерөнхийлөгчийн сонгуульд нэр дэвшигчид шаардлагын дагуу материалаа бүрдүүлж өгөх бөгөөд тус хороо нь нэр дэвшигчийг намын нийт гишүүдээс санал авах ажиллагааг цахимаар зохион байгуулах юм.