УИХ-ын гишүүн С.Ганбаатар өнөөдөр МАХН-ын гишүүнчлэлээс албан ёсоор татгалзаж шууд Ардчилсан намд элссэн билээ. Түүнд УИХ-ын гишүүн О.Цогтгэрэл намын гишүүний үнэмлэх гардуулсан юм. 

Намын гишүүний үнэмлэх авах үеэр УИХ-ын гишүүн С.Ганбаатар "Миний хувьд 17 жил баялаг дээр сандайж суугчидтай тэмцэж ирлээ. Монголын ард түмэн намайг хайрладаг, сайн тэмцэгч гэж урам өгдөг. Гэхдээ одоо сайн тэмцэгч хангалттай биш, сайн ялагч байх ёстой. Мөн сайн үр дүнг ард түмэнд авчрах ёстой. Үүний төлөө МАН-аас бусад бүх сөрөг хүчнүүд нэгдэж нийлж, хамтарч ажиллах шаардлагатай" ийн хэлсэн юм. 

Тэгвэл Ардчилсан намын дарга С.Эрдэнэ УИХ-ын гишүүн С.Ганбаатарыг АН-д элсээгүй хэмээн мэдэгдлээ. Тэрээр өөрийн твиттер хуудаснаа "Оройн мэнд..Аливаа асуудлыг дүрмийн дагуу шийдвэрлэдэг байх ёстой! УИХ-ын гишүүн С.Ганбаатар МАХН-аас гарч АН-д элслээ гэжээ. АН-д хэн нэг УИХ-ын гишүүн С.Ганбаатар гэж хүнийг элсүүлээгүй гэдгээ албан ёсоор мэдэгдэж байна!! Дүрмийн бус хэсэг бүлэг хүмүүс АН-ыг төлөөлөх эрхгүй!!!" гэсэн байна.

Харин УИХ дахьАН-ын бүлэг түүнийг хүлээж авснаа мэдэгдсэн байв.