Зүүн Иерусалимд хэт барууны еврей идэвхтнүүд, Палестинчууд болон Израилийн цагдаа нарын хооронд болсон ширүүн мөргөлдөөний улмаас олон арван хүн шархаджээ.

"Арабуудад үхэл" гэж хашгирч буй хэт үндсэрхэг үзэлтэй олон зуун еврейчүүд пүрэв гаригийн орой тус хотын Дамаскийн хаалганы дэргэд Палестины жагсагчидтай нүүр тулав.

Хоёр бүлгийг салгах гэж байсан цагдаа нар жагсагчдын эсрэг нулимс асгаруулагч хий ашиглаж, зарим нь чулуу, шил шидсэн байна.

Хэд хэдэн хүнийг баривчилжээ.

Палестины Улаан хавирган сар бүлгээс мэдээлэхдээ дор хаяж 100 палестин хүн шархадсаны 21 нь эмнэлэгт эмчлүүлэх шаардлагатай байгаа гэв.

Хэд хоногийн турш хурцадмал байдал нэмэгдэж байна.

Пүрэв гаригт Палестинчууд цагдаа нарыг Рамадан сарын ердийн үдэшлэгээ Дамаскийн хаалганы гадаа, Иерусалимын ханатай Хуучин хотын түүхэн дурсгалт газар зохион байгуулахаас урьдчилан сэргийлэхийг оролдож байна гэж буруутгажээ.

Цагдаагийнхан "Бүх төрлийн хүчирхийлэл, үймээн самууны эсрэг тууштай ажиллах болно" гэж анхааруулсан гэж цагдаагийн хэвлэлийн төлөөлөгч хэлснийг Ройтерс агентлаг мэдээлжээ.

Иерусалимын статус нь Израилийн Палестинчуудтай үүссэн мөргөлдөөний гол цөм болжээ.

Тус хот нь ялангуяа Зүүн Иерусалим дахь Иудейн, Лалын болон Христийн шашны ариун дагшин шашны гол газрууд юм.

Израйль 1967 онд Ойрхи Дорнодын дайнд өмнө нь Жорданд эзлэгдсэн байсан салбарыг эзэлж, хотыг бүхэлд нь хуваагдашгүй нийслэл гэж үздэг.

Палестинчууд Зүүн Иерусалимыг ирээдүйн улсын нийслэл гэж мэдэгдэж байгаа бөгөөд түүний эцсийн статус нь ирээдүйн хэлэлцээрийн сэдэв байх нь ээ.

Б.Бүжлхамаа

www.bbc.com