"Тэсрэмтгий" галт уулын дэлбэрэлт нь Карибын тэнгисийн Сент-Винсент арлыг үнс, утаанд булж, олон мянган иргэдийг шилжүүлэн нүүлгэж байна.
Олон арван жилийн турш унтаа байдалд байсан Ла Суфриере галт уул өнгөрөгч Арванхоёрдугаар сараас эхлэн идэвхжиж эхэлсэн бөгөөд энэ долоо хоногийн эхнээс эрчимжиж эхэлжээ.
Пүрэв гаригт Ерөнхий сайд Ральф Гонсалвес "улаан бүс"-ийн 16000 гаруй оршин суугчдыг нүүлгэн шилжүүлэхийг уриалав.
Үүнээс хойш галт уул агаарт 6 км (3,7 миль) хар үнс цацаж эхлэв.
Галт уулаас дэгдсэн үнсний уналт “Аргил” олон улсын нисэх онгоцны буудлаас холгүй бүртгэгдсэн гэж Сент Винсентийн Онцгой байдлын үндэсний байгууллага (ОБЕГ) мэдээлэв.
Бага Антилийн арлуудын ихэнх нь Зүүн Карибын тэнгис дэх галт уулын урт нумын хэсэг юм.
Хамгийн сүүлд 1979 онд дэлбэрсний улмаас арал дээр 100 сая доллараас (73 сая фунт) гаруй хэмжээний хохирол учирч байжээ.
Мөн 1902 онд бүртгэгдсэн хамгийн муу дэлбэрэлт нь гэхэд 1000 гаруй хүний аминд хүрсэн юм.
Орон нутгийн хэвлэл мэдээллийн хэрэгслүүд Сент-Винсентийн хойд талд орших Мартиник арал дээрх Пеле уулаас идэвхжил нэмэгдсэн гэж мэдээлэв.
Б.Бүжлхамаа
www.bbc.com
