НҮБ-аас жил бүр гаргадаг тайланд Финланд улс дөрөв дэх жилдээ дэлхийн хамгийн аз жаргалтай газраар нэрлэгдэв.
Дэлхийн аз жаргалын тайланд Дани удаалж, Швейцарь дагаж, Исланд тэгээд Нидерланд айргийн тавд жагсжээ.
Шинэ Зеланд дахиад топ 10-т багтсан Европын бус цорын ганц улс болов. Их Британи 13-аас 17-р байр руу ухарсан байна.
Аналитик судлаач Гэллап 149 орны хүмүүсийг өөрсдийн аз жаргалаа бэлтгэсэн өгөгдлийн дагуу үнэлэхийг хүссэн байна. Нийгмийн дэмжлэг, хувийн эрх чөлөө, дотоодын нийт бүтээгдэхүүн (ДНБ), авлигын түвшин зэрэг агуулгууд тус асуумжинд багтдаг. Тус хэмжүүрээр дэлхийн хамгийн аз жаргалгүй гэж Афганистан, Лесото, Ботсвана, Руанда, Зимбабве оржээ.
Улс орнуудын гуравны нэгээс илүү хувьд "сөрөг сэтгэл хөдлөлийн давтамж өндөр" байсан гэж цар тахлын үр дагаврыг энэ жил судлаачид онцолсон. Гэсэн хэдий ч 22 орны байдал өмнөх онтой харьцуулахад сайжирсан байна. Азийн хэд хэдэн улс өнгөрсөн жилийн чансаатай харьцуулахад хамаагүй дээр гарсан бол Хятад 94-р байрнаас 84-р байранд шилжжээ.
"Хачирхалтай нь ерөнхийдөө хүмүүсийн амьдралыг үнэлэх үнэлгээгээр хэмжихэд сайн сайхан байдал буураагүй" гэж тайлангийн судлаачдын нэг Жон Хеллиуэлл мэдэгдэлдээ дурджээ.
Тэрээр "Боломжит нэг тайлбар бол хүмүүс Ковид-19-ийг хүн бүрт нөлөөлж буй нийтлэг, гадны аюул заналхийлэл гэж үздэг бөгөөд энэ нь илүү их эв нэгдэл, найрсаг мэдрэмжийг бий болгосон юм" гэлээ.
Финланд улс цар тахлын үеэр амь нас, амьжиргааг хамгаалахад тусалсан харилцан итгэлцлийн хэмжүүрээр маш өндөр байр эзэлсэн байна.
5.5 сая хүн амтай Скандинавын үндэстэн цар тахлын үеэр Европ тивийн ихэнх нутгаас хамаагүй дээр ажиллаж чадсан бөгөөд 70 гаруй мянган тохиолдол, 805 хүн нас барсан гэж Жон Хопкинсийн их сургууль мэдээллээ.
Дэлхийн хамгийн аз жаргалтай топ 10 улс:
- Финланд
- Дани
- Швейцари
- Исланд
- Нидерланд
- Норвеги
- Швед
- Люксембург
- Шинэ Зеланд
- Австри
Б.Бүжлхамаа
www.bbc.com
