Европын Эмийн агентлаг пүрэв гаригт AstraZeneca вакциныг аюулгүй бөгөөд үр дүнтэй гэж мэдэгдлээ. Мэдэгдэлд арав гаруй оронд түр хугацаагаар энэхүү вакциныг хэрэглэхийг түдгэлзүүлсэн энэ үед энэхүү нотолгоо хэрэглээг сэргээхэд түлхэц болно гэж итгэж байгаагаа илэрхийлжээ.

Герман, Франц, Итали улсууд цусны өтгөрөлттэй холбоотой ховор тохиолддог гаж нөлөөнөөс болж вакцины тунг түр зогсоосон.  Тус агентлагийн мэдээлснээр тархины цус алдалтад хүргэж болзошгүй ховор тохиолддог хүндрэлийг эмч нар анхааралтай ажиглаж байх үүднээс шинэ анхааруулах шошго нэмж оруулах ажээ.

AstraZeneca вакцинтай холбоотой цөөн хэдэн түгшүүртэй үйл явдлын талаар мэдээлсэн боловч сая сая тохиолдлыг судалж үзэхэд энэ нь тромбын эрсдлийг нэмэгдүүлээгүй боловч "тодорхойгүй байдал байсаар байна" гэж эрсдлийн үнэлгээний агентлагийн дарга, доктор Сабин Страус хэллээ. 

Тэрээр "Бидний энд харсан шиг нөхцөл байдал гэнэтийн зүйл биш юм. Сая сая хүнд вакцин хийхэд вакцин хийлгэсний дараахан ховор, ноцтой тохиолдол, өвчин гарах нь гарцаагүй юм" гэж хэлэв.  

Энэ зуур АНУ AstraZeneca вакцины илүүдэл сая сая тунг Мексик, Канадад илгээхээр төлөвлөж байна гэж албаныхан мэдээлэв.

Б.Бүжлхамаа

www.nytimes.com