Цар тахал, тэр дундаа хөл хорио сэтгэл санааны эрүүл мэндэд хэрхэн нөлөөлж буйг тоймлон харуулсан найман орны 50,000 орчим хүний ​​дунд хийгдсэн судалгаагаар залуучуудын дунд "сайн сайхан байх сэтгэлийн хат дэлхий даяар ядмаг" байгаа бөгөөд энэ асуудлыг нэн даруй улс орнууд анхааралдаа авах шаардлагатайг харуулжээ.

АНУ-ын ашгийн бус Sapien Labs группээс хийсэн хүний ​​оюун ухааныг ойлгоход зориулагдан хийгдсэн судалгаагаар оролцогчдын дөрвөн хүн тутмын нэгээс илүү нь эмнэлзүйн эмгэг илрэх эсвэл эрсдэл өндөртэй байгааг харуулжээ. Тэр дундаа 18-24 насны хүмүүсийн дунд бараг хоёр хүн тутмын нэг болж эрсдэл нэмэгдсэн байна гэжээ.

Австрали, Их Британи, Канад, Энэтхэг, Шинэ Зеланд, Сингапур, Өмнөд Африк, АНУ зэрэг орнуудад голчлон анхаарсан. Судалгаанаас үзэхэд 18-24 насны оролцогчдын 40 хувь нь уйтгар гуниг, шаналал, найдваргүй байдал, хүсээгүй, хачин, хэт их бодолд автаж байна гэдгээ илэрхийлсэн байна.

"Коронавирусийн цар тахал нь урьд өмнө гарч байсан хандлагыг улам даамжруулж, улам бүр дордуулж байна" гэж Sapien Labs-ийн үүсгэн байгуулагч, ерөнхий эрдэмтэн доктор Тара Тиагаражан хэллээ.  Тэрээр "Ялангуяа нийгмээс тусгаарлагдах нь залуу хүмүүст илүү их нөлөөлж, тэдний олонх нь эрүүл, эмгэгийн ирмэг дээр тулж ирлээ" гэв.

Цар тахал нь залуучууд, эмэгтэйчүүд, өнгөт арьстнуудын сэтгэцийн эрүүл мэндэд ялгаатай, харьцангуй нөлөөлсөн болохыг бусад судалгаанууд харуулж байна.

Сэтгэцийн эрүүл мэндийн мэргэжилтнүүд цар тахлын урт хугацааны үр дагаврыг эдийн засгийн уналт, нийгмээс урт хугацаанд санаатайгаар өөрийгөө тусгаарлахаас үүдэлтэй сэтгэлзүйн уналтаас урьдчилан сэргийлэх хэрэгтэй байгааг анхааруулав.

Судалгааны гол эрдэмтэд Доктор Тиагаражан, Женнифер Ньюсон нар засгийн газруудад сэтгэцийн эрүүл мэндэд чиглэсэн олон нийтийн бодлогод анхаарлаа хандуулахыг уриалав.

"Сэтгэцийн эрүүл мэндийн өнөөгийн талбарт өөртэйгөө тулж ажиллан өөрийгөө эмчлэх болон өвчтөн төвтэй програм, эмчилгээ болон бусад хөтөлбөрүүд давамгайлж байсан бол цаашид нийгэм, эдийн засгийн бодлого, институцийн соёлын хүрээнд авч хэрэгжүүлэх арга хэмжээ өнөөгийн сэтгэцийн эрүүл мэндийн хямралыг бууруулах, урьдчилан сэргийлэхэд чухал үүрэг гүйцэтгэж магадгүй юм" гэж тэд бичжээ.

Б.Бүжлхамаа

www.nytimes.com