Даваа гаригт Дээд шүүх Ерөнхийлөгч асан Дональд Трампын мужийн сонгуулийн процедурт тулгарсан хамгийн сүүлийн заргыг хэрэгсэхгүй болгож, Висконсин мужийн шуудангаар ирүүлсэн саналын хуудсыг хянах шийдвэрийг хэвээр үлдээсэн доод шатны шүүхийн шийдвэрийг давж заалдах гомдлыг хүлээн авахаас татгалзлаа.
Шүүх татгалзсан хариугаа ердийн практикын дагуу ямар нэгэн тайлбаргүйгээр зарлав.
Жо Байдены ялсан мужуудад ерөнхийлөгчийн сонгуулийн дүнг хүчингүй болгохын тулд Трамп болон түүний холбоотнууд Дээд шүүхийн өмнө бараг л адилхан явцгүй түүхтэй байна.
Арванхоёрдугаар сард Жеоржиа, Мичиган, Пенсильвани, Висконсин мужуудын байлдааны талбайн эсрэг Техасаас гаргасан нэхэмжлэлийг шүүгчид хянахаас татгалзав. Шүүх Техас муж улс бусад муж улсууд сонгуулиа хэрхэн яаж явуулахыг жишдэг хуулийн ямар ч сонирхолгүй гэдгээ харуулсан гэж мэдэгдэв.
Дээд шүүх өнгөрсөн сард Висконсин, Пеннсильванид санал тоолох журамд Трампын тавьсан өөр хоёр сорилтыг няцаажээ. Арваннэгдүгээр сард санал тоолох ажил үргэлжилж байхад шүүх Пеннсильванийг сонгуулийн өдрийн дараа авсан саналын хуудсыг тоолохыг зогсоохоос татгалзсан.
Даваа гаригийн үйл ажиллагаа нь гэнэтийн зүйл биш байв. Учир нь шүүх Трампын аль нэг заргыг авч үзэх байсан бол Конгресс Сонгуулийн коллежийн Нэгдүгээр сарын 6-ны өдрийн санал хураалтыг албан ёсоор тоолохоос өмнө үүнийг хийх байсан бөгөөд энэ үйл явц Капитолийн ордонд үймээн самуун дэгдээснийг хэн хүнгүй мэднэ.
Б.Бүжлхамаа
www.nbcnews.com
