Өнгөрсөн долоо хоног

Америкийн хохирол, Крымын цангаа, ядуусын зовлон:

АНУ худалдааны дайнаас болж нэг их наяд долларын алдагдал хүлээнэ

Байдены засаг  захиргаа Хятадын бараанд Трампын тавьсан 25 хувийн  гаалийн татварыг хэвээр хадгалан үлдээнэ  гэсэн нь  америкчуудад жилдээ 190 тэрбум долларын хохиролтойгоор тусна хэмээн АНУ-ын Худалдааны танхим ба Rhodium Group хоёрын хамтран бүтээсэн  дүн шинжилгээнд дурьджээ. Мөн тэдний гаргасан тооцоогоор ойрын  10 жилд хоёр орны худалдааны дайнаас болон  нэг их наяд гаруй доллараа алдах хандлагатай гэнэ.

Францын лидер НАТО-д "цохилт" өгөв

Францын лидер Эммануэль Макрон өнгөрч буй долоо хоногт "НАТО чухал биш байгууллага болсон" гэж мэдэгдлээ.  Тэрбээр Европод хандан  өөрийн сонирхлыг өөрсдөө хамгаалж, АНУ-д даатгахгүй байхыг уриалжээ. Тэрбээр энэ мэдэгдлээ Америк, Герман, Их Британийн лидеруудтай уулзахын өмнө хийсэн ба "НАТО бол Варшавын гэрээний  цэргийн  блокийн эсрэг байгуулагдсан эвсэл, одоо тэр блок байхгүй" хэмээн сануулав.

Крымыг ундны усаар "боомилов"

Хойд Крымын сувгийн 107 дахь км-т  далан босгох Украины төлөвлөгөө энэ долоо хоногт тодорхой боллоо. Крымыг Орост алдсаныхаа хариуд Украин  түүний ундны усны эх сурвалжийг  хаасан билээ. Шинэ далан босгосноор  Крымыг ундны усаар хангахыг хааж, нөгөө талаасаа өөрийн Херсон мужийн  усжуулалтыг сайжруулна гэж  украины улстөрчид үзжээ. Шинэ  даланг Крымын хил орчим босгох бөгөөд  өмнөх элстэй шуудайнуудаар босгосон далан  Крымын аж ахуйнуудын усыг хаасан хэвээр байна.

Оростой харилцаагаа сайжруулах Барууны оролдлого няцаагдсаар...

Орос, Баруун хоёрын харилцааны ачааллаа бууруулах олон тооны оролдлого яагаад бүтэлгүй  болсныг Шведын Ерөнхий сайд асан  энэ долоо хоногт The Washington Post сонинд ярьжээ.

Ачаалал буулгах оролдлого бүрт нь  Орос баруунд шахалт үзүүлэн бодлогыг нь өөрчлүүлэхээр оролдож, харин өөрсдөө өөрчлөгдөхийг хүсээгүй гэж Бильдт ярив. Оросуудын хөршийн хэрэг явдалд оролцохыг Европын холбоо ямар нэгэн хэмжээгээр хүлээн зөвшөөрдөг байхыг Москва хүссэн, бас дээр нь оросууд Европын аюулгүй байдал, хамтын ажиллагааны байгууллага мэтийн хүний эрхийн байгууллагуудаас холдохыг хүсч ирсэн хэмээн тэр ярьжээ. Гэвч тэр оролдлогуудынх нь эсрэг хатуу  эсэргүүцэл үзүүлснээр Оросыг өөрчилж чадна гэж Бильдт хэлэв.

Гэвч Оросууд үүнийг хүснэ гэж үү?

Баян орнууд хэрэгцээнээсээ илүү вакцин нөөцөлснийг шүүмжлэв

Баян орнууд  хэрэгцээнээсээ илүү вакцины тун авсан тул ядуу орнууд үлдэгдлийнх нь төлөө  тэмцэлдэх боллоо гэж Ядуурал ба Эмчилгээгүй өвчинтэй  тэмцэх даяарчлалын ONE Campaign компанийн мэдээнээс ашиглан Ройтер  дамжуулав.

АНУ, Европын холбоо, Их Британи, Австрали, Канад, Япон гурван тэрбум гаруй ванкцины тун авсан ба тэдэнд бүх хүн амаа вакцинжуулахад 2,06 тэрбум тун шаардлагатай ажээ. ONE Campaign өнгөрч буй долоо хоногт тэдэнд хандан илүүдэл эмээ хуваалцахыг уриалжээ.

АНУ-д коронавирусаар нас барагчдын тоо дайны хохирлоос хол давлаа

Өнгөрсөн долоо хоногт АНУ-д  коронавирусаар амь үрэгдэгчдийн тоо 500 мянгын босгыг алхав. Тэр нь Дэлхийн хоёрдугаар дайн, Солонгосын мөн Вьетнамын дайнд алдагдсан хүмүүсийн хохирлын нийлбэрээс даван гарав. Ийм тооцоог TMZ портал хийжээ.

Портал мэдээлснээр дэлхийн хоёрдугаар дайнд 291 мянган америкчууд амь үрэгдсэн байна. Мөн түүнчлэн Вьетнамын дайнд 47,4 мянган цэргийнхэн, Солонгосын дайнд 33,7 мянган америк цэрэг тус тус үрэгдсэн байлаа.

Харин коронавирусний цар тахлын улмаас АНУ-д 500 мянга давсан хүмүүс нас бараад байна. Одоогийн байдлаар АНУ-д 29 орчим сая сая хүн өвчлөөд байна.

М.Цогт