Дэлхийн 1-р дайн, Дэлхийн 2-р дайн, Вьетнамын дайны тулалдаанаас ч олон Америкчууд Ковид-19-ийн улмаас нас баржээ. Цар тахлаас шалтгаалан ийм олон тоогоор нас барсан тохиолдол одоогоор өөр ямар ч улс оронд тоологдоогүй байна.
Ковид-19 шалтгаалсан нас баралт жилийн өмнө АНУ-д бүртгэгдэж байсан бол одоо аль хэдий нь бүхэл бүтэн жил тойрч, энэ нийтлэл нийтлэгдэх яг энэ мөчид тоон мэдээллээр АНУ дахь нийт үхлийн тоо 498,033 болж, дэлхийн нийт тохиолдлын тавны нэг орчим хувийг эзэлж байна. Коронавирус нь АНУ-ын өнцөг булан бүрт хүрч, хүн амын нягтаршил өндөртэй хотууд болон хөдөө орон нутгийн хошууг сүйтгэж, тус улсын 670 хүн тутмын нэгийг нь хөнөөжээ.
Нью Йорк Таймс сонины ням гаригийн эхний нүүрэнд график зургаар АНУ дахь Ковидийн сүйрлийн бүх байдлыг дүрслэн харуулжээ. Ерөнхийд нь харахад тус график саарал өнгийн бүдэг харагдах боловч энд байрлах 500,000 орчим цэг тус бүр нь коронавирусийн улмаас үрэгдсэн амьдрал бүрийг харуулна.
The Times-ийн дизайнерууд цар тахлын уршгийн цар хүрээг илэрхийлэх зорилгоор нүүр хуудсыг ашигласан анхны тохиолдол энэ биш юм. Өнгөрсөн 5-р сард АНУ-д Ковид-19-ийн нас баралт 100,000-д хүрэхэд хуудсыг нас барсан хүмүүсийн нэрээр дүүргэсэн байв. Тэдний бараг мянга нь, тэр үеийн нийт хүний дөнгөж 1 хувь нь байв. Энэхүү тохиолдол нь нүүр хуудаснаа амиа алдсан олон хүнийг дүрсэлсэн анхны тохиолдол юм.
"Иймэрхүү арга хэрэглэх нь нэг талаар ашигтай. Энэ нь таныг хэт их ачааллаж, цочрооноо. Ингэх ч хэрэгтэй" гэж Таймс сонины график редактор Лазаро Гамио хэлсэн юм.
Б.Бүжлхамаа
www.nytimes.com
