Jaguar Land Rover (JLR) компани ирэх онд ажиллагсдынхаа 2000 орчим ажлын байрыг цомхотгохоор төлөвлөж байгаагаа зарлалаа.
Компани "илүү уян хатан байгууллага" болох бэлтгэлээ базааж байгаа тул шинэчлэлээ эхлүүллээ гэж мэдэгдэв. Энэ нь автомашин үйлдвэрлэгч Jaguar брэнд 2025 он гэхэд бүхэлдээ цахилгаан болгоно гэдгээ баталж, Их Британийн бүх гурван үйлдвэрээ нээлттэй ажиллуулах тухай юм.
Дэлхийн хэмжээнд ажиллах хүчнээс гарах алдагдал нь үйлдвэрлэлийн ажилчдад нөлөөлөхгүй гэж хэвлэлийн төлөөлөгч хэллээ.
Jaguar Land Rover-ийн төв оффис Ковентри хотод байрладаг бөгөөд Мерсеисайдын ойролцоох Castle Bromwich, Solhull, Halewood хотуудад үйлдвэртэй.
Сүүлийн хоёр жилийн хугацаанд борлуулалт буурсантай холбоотойгоор тус компанид олон мянган ажлын байр алдагдсан бөгөөд тус нөхцөл байдалд Brexit-ээс үүдэлтэй тодорхойгүй байдал тодорхой хэмжээнд нөлөөлсөн байна.
Зуны улиралд багасгасан хүчин чадлаар дахин эхлүүлэхээс өмнө өнгөрсөн 3-р сард үйлдвэрлэл бүрэн зогссон.
Лхагва гаригт хийсэн мэдэгдэлдээ пүүс "боломжтой бүх үр ашиг"-ийг хийх ёстой гэжээ.
"Бид сууриа бий болгохын тулд зардлаа бууруулах хэрэгтэй бөгөөд ингэснээр илүү үр дүнтэй, илүү уян хатан байгууллага болох боломжийг бидэнд олгоно" гэж хэвлэлийн төлөөлөгч хэлэв.
Б.Бүжлхамаа
www.bbc.com
