Сүүлийн 20 жилийн дотор Францад аллагын тоо 91 хувиар өссөн байна. Энэ үзүүлэлт нь өмнө байгаагүй төвшинд хүрснийг тус улсын ДХЯ-ны мэдээнээс иш татан Le Figaro сонин мэдээлжээ.
Өнгөрсөн онд Францад 4472 аллага бүртгэгдсэн нь сүүлийн 20 жилийн үзүүлэлтийг 91 хувиар нэмэгдүүлсэн гэж үзэхэд хүргэсэн байна. Тухайлбал, 2020 онд 2338 аллага бүртгэгдсэн байна.
Дээрэм хийхээр хөнөөсөн хүн амины хэрэг өнгөрсөн онд өмнөх жилийнхээсээ 19,3 хувиар, хулгай тонуулын улмаас амиа алдагчдийн тоо 17,1 хувиар нэмэгджээ.
Гэмт хэргийн бүлэглэлүүдийн хоорондын тооцоо бодолтын аллага (14,3%) нэмэгдсэн гэжээ. Харин зодуулж нүдүүлсний улмаас амиа алдах нь 7,3 хувиар буурчээ. Ерөнхийдөө Францад хүн амины хэргийн тоо 2013 оноос хойш өсөн үзүүлэлттэй гарчээ.
М.ЦОГТ
