Amazon компанийг үндэслэгч Жефф Безос компанийн Ерөнхий захирлын тушаалаа орхино гэж мягмар гаригт CNBC мэдээлжээ.

Удирдлагаа корпорацийн Amazon Web Services гэх үүлэн технологийн компанийн ерөнхий гүйцэтгэх захирлаар 1997 оноос хойш ажиллаж байгаа Энди Яссигд шилжүүлэх гэнэ.

“Amazon-ы захирлуудын зөвлөлийг III улирлаас эхлэн би толгойлно. Энди Ясси ерөнхий захирал болно. Тэр маш сайн лидер болно гэдэгт итгэлтэй байгаа. Зөвлөлийн  гүйцэтгэх захирал болоод анхаарлаа шинэ бүтээгдэхүүн болон анхны санаачлагууддаа төвлөрүүлнэ гэдгийг мэдээлэхэд таатай байна” хэмээн Безос ажилтнууддаа илгээсэн захидалд өгүүлжээ.

Тэрээр цаг уурын өөрчлөлттийн эсрэг Bezos Earth Fund төсөл, сансарын Blue Origin компани, The Washington Post болон Amazon Day 1 Fund хэвлэлийн газруудад гол анхаарлаа чиглүүлэхээр болж байгаа гэнэ.

Жефф Безос өөрийн Amazon компаниа 1994 онд байгуулаад түүнийг номын онлайн дэлгүүрээс томоохон онлайн ритейлер болгож чаджээ. Өнгөрсөн оны нэгдүгээр сард түүний зах зээлийн хөрөнгжилтийн үнэлгээ $1 их наяд доллараас давсан билээ.

М.ЦОГТ