Эрүүл мэндээ хамгаалах гэсээр байтал, эдийн засаг чинь нурлаа шдээ!!! Ингээл болоо юмуу, ингээл үхэх юм уу? (Төөгөөгийн хоолойгоор)...

Хэсэгтээ эдийн засаг хэцүүдэх нь ээ, /ер нь нээх хэцүүгүй эдийн засагтай байсан ч юм шиг хэхэ/ 

За ямартай ч ямар ч эдийн засагтай нийгэм, хүрээлэлд амьдарч байлаа ч гэсэн гэсэн олсон орлогоо ухаантай зарах, зарсныгаа хянах, чадвал биш чадаад хадгалах хэрэгтэй “өлсгөлөн” нийгэмд амьдарч байгаагаа мэдэж байгаа биздээ?! АНДУУДАА?!

ОЛОХ - ЗАРАХ - ХЯНАХ - ХАДГАЛАХ 

За яг энэ гинжин хэлхээг аль нэгийг нь орхигдуулалгүй, санхүүгээ удирдаад сурчихвал чанга гар болох нь ээ. Мэдээж хүн бүрийн хэдийг олох, яаж олох, олсныгоо хэрхэн үрэх нь өөрийн мэдлийн хэрэг тул үүн дээр илүү үглэж зүрхлэхгүй нь. 

Харин хянах тухайд маш энгийн энийг уншиж дуусаад хэрэгжүүлэх боломжтой зөвлөгөө өгье. Ихэнх хүмүүс Excel програмыг амьдралдаа нэг удаа хэрэглээд үзчихсэн байгаа. Уг нь эксэлийг хүснэгт татах, график гаргах төдийхөнд ашиглах ёсгүй юм. Эксэл суурьтай програм нь тоо, өгөгдөлтөй холбоотой бүх зүйлээс нарийн мэдээлэл, тайлан, ахиц зэргийг үзэсгэлэнтэйгээр харах боломжтой, маш ухаалаг програм байдаг. Та компьютер утсан дээрээ хаанаас ч эксэлийн програм руу ороход хамгийн түрүүнд танд бэлэн загварууд санал болгосон байгаа. Тэндээс өөрт тохирох дурын загварыг ашиглан илүү ухаалгаар хувийн санхүүгээ хянах боломжтой байх нь ээ. 

Эндээс харж байгаачлан та өөрийн гэр бүлийн санхүү, хувийн мөнгө, янз бүрийн жагсаалт гаргаж төлөвлөх гээд олон зүйлд эксэл суурьтай програмыг ашиглах боломжтой. Юм бүхэн үүлэн системтэй холбогдсных танд Google spreadsheet бас санал болгоё. Үүнийг ашигласнаар та утас, компьютер, таблет бүх төхөөрөмжөөс нэг файл руу хандах боломжтой болдог. 

За ингээд өөрт таалагдсан дурын загвараа сонгосны дараа дараагийн шинэ хуудсанд өдөрт юу авч, юунд мөнгө зарцуулснаа нэг нэгэнгүй тэмдэглэх хэрэгтэй. Ингэснээр сарын сүүлд хэдэн төгрөгөөр архи авсан, хэдэн төгрөгийг бохинд зарцуулснаа хянаж эхлэнэ гэсэн үг. Эксэл дээр хөтлөхийн хамгийн давуу тал бол таны өмнөөс хасаж, нэмээд, харьцуулалтыг нь ямар ч алдаа мадаггүй нарийн сайхан гаргахад оршиж байгаа юм. 

Энэ мэтээр илүү баяжуулж, ухаалгаар зардлаа хянаж сураарай. 

Ээжийнхээ энэнд тэдэн төгрөг, тэрнээс тэдэн төгрөг, мах будаа тэдээр авлаа гэж бичээд дугуйлсан, дарсан, балласан хар дансыг харж байсан уу? Хэрвээ тийм бол хэн ч зааварлаагүй гэхэд маш ухаантай хөтөлдөг байжээ, санхүүгээ, танай ээж. Юун төлөө цахим эринд амьдарч байгаа билээ өөрийн санхүүгээ удирдахад утаснаасаа эхэлцгээе бүгдээрээ. 

Мөн таныг ч хэн нэгэнд өөрийн санхүүгээ хөтөлдөг сайн туршлагаасаа хуваалцахыг санал болгож байна.

Бү.Лхамаа